ఈశాన్య గది అద్దెకు ఇవ్వవచ్చా?

వాస్తువార్త

- విద్వాన్ సాయిశ్రీ డా॥ దంతూరి పండరినాథ్

వాస్తువార్త వాస్తు విద్వాన్ సాయిశ్రీ డా॥ దంతూరి పండరినాథ్ 3-2-4, కింగ్స్ వే, సికింద్రాబాద్ సెల్స్: 9885446501/9885449458

సి. కార్తిక్ - వరంగల్

ప్రశ్న: ఈశాన్యం గది అద్దెకు ఇచ్చాను. అద్దెకున్నవాళ్లు తాళం వేసి వుంచుతున్నారు. అందువల్ల మాకు ఏమైనా ఇబ్బందులుంటాయా?

జవాబు: ఈశాన్య గదికి అద్దెకు ఇవ్వకూడదు. అది మీరే వాడుకోవడం మంచిది. ముఖ్యంగా, పూజలకు, వ్రతాలకు, నోములకు చాలా మంచిది.

నైరుతిలో మరుగుదొడ్డి?

కె. కాత్యాయని - గుంటూరు

ప్రశ్న: నైరుతిలో మూడు అడుగుల ఖాళీ స్థలం వుంది. అక్కడ మరుగుదొడ్డి నిర్మించవచ్చా? ఉత్తరం వైపు ఎనిమిది అడుగుల ఖాళీ స్థలంలో మెట్లు నిర్మించి దాని కింద భాగంలో మరుగుదొడ్డి, స్నానపు గది నిర్మించవచ్చా?

జవాబు: ఖాళీ స్థలంలో నైరుతి మూలలో మరుగుదొడ్డి, బాత్రూమ్ నిర్మించుకోవచ్చు. కానీ మీకు అక్కడ వున్నది మూడు అడుగుల స్థలమే కనుక ఇంటికి తగలకుండా ఏమీ నిర్మించుకోవడానికి వీలుపడదు. మెట్ల కింద కూడా నిర్మించకూడదు. మీ ఇంటికి తూర్పు కాంపౌండు గోడకు మధ్యన చాలా ఖాళీ స్థలం వుంది.దక్షిణ గోడను పారుగా చేసి లెట్రిన్ కట్టుకోవచ్చు. అయితే ఇంటికీ - లెట్రిన్కో మధ్య ఖాళీ స్థలం కంటేలెట్రిన్కీ-తూర్పు కాంపౌండు గోడకూ మధ్యనుండే ఖాళీ స్థలం ఎక్కువగా వుండాలి. అదేవిధంగా లెట్రిన్ ఇంటికి తగలకుండా కట్టుకోవాలి.