తెలుగు పది కాలాల పాటు

సాహిత్యం

- జయసూర్య

తె నుగు, తెనుంగ, తెలుంగు, తెలుగు, తెలంగీ, టెలుంటూ వంటి పదాలు ప్రాచీన మధ్య యుగాల ప్రాచీన వైభవం కలిగి వున్నాయి. కానీ అసలు సిసలు అయిన తెలుగు పదాన్ని పక్కకు తోసి 'ఆంధ్రం' ప్రచారంలోకి వచ్చింది. సంస్కృత భూయిష్టమైన పదం, ఆంధ్ర అందలం ఎక్కింది. రాజరాజ నరేంద్రుడు, నన్నయభట్టును 'తెనుగన రచింపు మధిక ధీశక్తి మెయిన్' అంటాడు. కాని అది ఆంధ్రం మహాభారతం అయింది. 'భాష' అనే సంస్కృత పదం ప్రవేశించి 'నుడి' అనే మాటని వెనక్కి తోసేసింది.అసంఖ్యాకంగా సంస్కృత పదాలు గుర్తించలేనంతగా, తెలుగులో కలిసిపోయాయి. మంచిదే. కానీ మాతృభాష అంటున్నాం. తల్లి నుడి అన్నమాట విస్మరించాం.

“తెనుగు అయిపుట్టితివి నీవు తెనుగు అయి అనుబవింపుము ఈ సంపదలను తెనుగు అయి కనుమూయుము తెనుగుతనము లేని బతుకును ఆసింపకుమా"