చలి కాలుష్యంలో జనం విలవిల

మానవ మనుగడకు అవసరమైన ఆహారం తినకుండా కొన్ని రోజులు బతకొచ్చు, అలాగే నీటిని తాగకుండా కూడా కొన్ని గంటలు గాలే అత్యంత ప్రధానం.

- రుద్రరాజు శ్రీనివాసరాజు

మానవ మనుగడకు అవసరమైన ఆహారం తినకుండా కొన్ని రోజులు బతకొచ్చు, అలాగే నీటిని తాగకుండా కూడా కొన్ని గంటలు గాలే అత్యంత ప్రధానం. దీనిని వినియోగించడంలో ఏ మాత్రం విరామం ఉండదు. విరామం వచ్చింది అంటే మన ఉనికి లేనట్లే..నిరంతరం ప్రాణవాయువును ఊపిరిగా తీసుకోవాలి, ఊపిరి తీసుకోకుండా ఒక్క ఘడియ కూడా ఉండలేం. మనిషి బ్రతకాలి అంటే ప్రాణ వాయువు (ఆక్సిజన్) కావాలి అనుక్షణం ఈ ప్రాణ వాయువు మన శరీరంలోని అణువణువుకూ అందాలి. మన ఒంట్లో ప్రతి కణానికీ ఆక్సిజన్ అత్యవసరం. ఇది ఏమాత్రం కొరవడిన కణాలన్నీ పని చేయడం మానేస్తాయి. ఇంతటి కీలకమైన ఆక్సిజన్ మనం శ్వాస ద్వారా పీల్చుకునే గాలి నుంచే లభిస్తుంది. ఇది ముందుగా ఊపిరితిత్తుల్లోకి.. అక్కడ్నుంచి రక్తంలోకి చేరుకొని.. హిమోగ్లోబిన్ తో జతకట్టి అన్నికణాలకు కొత్త ఊపిరిని పోస్తుంది. అప్పుడే మనం జీవించి ఉండగలుగుతాం.ఇటువంటి ప్రాణవాయువు నేడు కాలుష్య కారకాలతో నిండిపోయి విషతుల్యమై ఊపిరి తీసుకోవడమే ప్రాణాలకు ప్రమాదకరంగా పరిణమించింది.