ఊరగాయ

సింగిల్ పేజీ కథ

- ఆర్.సి.కృష్ణస్వామిరాజు

కొడుకు ప్రణవ కృష్ణ పోస్ట్ ఆఫీస్ లో ఉద్యోగం చేస్తున్నాడు. ఉద్యోగం చేసేది ఏలూరులో కాబట్టి అక్కడే కొత్త కాపురం పెట్టాడు. పెళ్ళై ఆరు నెలలైనా కోడలు పుల్ల మామిడికాయ కావాలని అత్త వేదలక్ష్మిని అడగలేదు.

“ఈ కాలం పిల్లోల్లకి మనం చెప్పేదేముంది? కక్కొచ్చినా, కళ్యాణమొచ్చినా ఆగదు కదా!" అని తనకు తానే సర్ది చెప్పుకుంది కొడుకూ కోడలూ, ఎలా ఉన్నారోనని వేదలక్ష్మి ఓ రోజు, గంట ప్రయాణమున్న ఏలూరుకు నూజివీడు నుంచి బస్సులో వెళ్లింది.

అత్తని నవ్వుతూ ఆహ్వానించింది కోడలు పూర్ణతిలక. అత్తగారికి చల్లటి ఫ్రిజ్నీళ్లు ఇచ్చి మంచి చెడ్డలు మాట్లాడింది.

ఇంతలో కొడుకు ప్రణవ కృష్ణ ఆఫీసు నుంచి భోజనానికి వచ్చాడు. అమ్మని పలకరించి, అవీ ఇవీ మాట్లాడి భోజనానికి కూర్చున్నాడు.

ఇంటి వెనుకనున్న అరటిచెట్టు నుంచి కొన ఆకు కోసుకొచ్చి అందులో అన్నం, పప్పు వడ్డిస్తోంది పూర్ణ తిలక. కోడలు ఎలా వడ్డిస్తోందో చూస్తూ కూర్చుంది.

లక్ష్మి.

వంటలతో పాటు ఊరగాయ కూడా వడ్డించింది కోడలు.

ఆశ్చర్యంగా చూసింది అత్త.

"పెళ్లి కాకముందు నా బిడ్డ ఊరగాయ ఊసే ఎత్తేవాడు కాదు కదా, ఇప్పుడెందుకు అలవాటు చేసుకున్నాడో?" అని ఆలోచనలు మొదలైనాయి వేదలక్ష్మికి.

గబగబా తినేసి ఆఫీసులో అర్జెంటు పని ఉందని వెళ్లిపోయాడు ప్రణవ కృష్ణ.

"ఎప్పటినుంచి ఊరగాయని ఇష్టపడుతున్నాడు?" అని అడిగింది.