குற்றாலத்தில் வள்ளல் வீகேயென் மாளிகையில் எழுச்சியுடன் நடைபெற்ற கழக கலந்துரையாடல் - புதிய பொறுப்பாளர்கள் அறிவிப்பு

கன்னியாகுமரி, திருநெல்வேலி, தென்காசி, தூத்துக்குடி மாவட்ட கழக கலந்துறவாடல் கூட்டம் 30.6.2023 அன்று மாலை 6 மணிக்கு வள்ளல் வீகேயென் மாளிகையில் நடைபெற்றது.

கூட்டத்திற்கு தமிழர் தலைவர் ஆசிரியர் அவர்கள் தலைமையேற்றார். கழகத் துணைத் தலைவர் கவிஞர் கலி.பூங்குன்றன் முன்னிலை வகித்தார். மாநில மாணவர் கழக துணை செயலாளர் க.இனியன் கடவுள் மறுப்பு கூறினார். தென்காசி மாவட்ட கழக தலைவர் வழக்குரைஞர் த.வீரன் வரவேற்று உரையாற்றினார்.

மாநில ஒருங்கிணைப்பாளர் உரத்தநாடு இரா.குண சேகரன் தொடக்க உரையாற்றினார். கன்னியாகுமரி மாவட்டத் தலைவர் மா.மு.சுப்பிரமணியம், மாவட்ட செயலாளர் கோ.வெற்றிவேந்தன், திருநெல்வேலி மாவட்டத் தலைவர் ச.இராஜேந்திரன், தூத்துக்குடி மாவட்டத் தலைவர் மு.முனியசாமி, மாவட்ட செயலாளர் கோ.முருகன், காப்பாளர்கள் ம.தயாளன், திருநெல்வேலி இரா.காசி, தூத்துக்குடி சு.காசிராசன், மா.பால் ராசேந்திரம், சி.டேவிட் செல்லத்துரை, மாநில பகுத்தறிவாளர் கழக அமைப்பாளர் கே.டி.சி.குருசாமி, பொதுக்குழு உறுப்பினர் அய்.இராமச்சந்திரன், சி.கிருஸ்ணேஸ்வரி, கழக துணைப் பொதுச் செயலாளர் ச.பிரின்சு என்னாரெசு பெரியார், மாநில ஒருங்கிணைப்பாளர் இரா.ஜெயக்குமார், பொரு ளாளர் வீ.குமரேசன் ஆகியோர் கருத்துரை வழங்கினர். மாநில இளைஞரணி துணைச் செயலாளர் அ.சவுந்தர பாண்டியன் தீர்மானங்களை முன்மொழிந்தார். தோழர்கள் கரவொலி எழுப்பி வழிமொழிந்தார்கள்.

நிறைவாக தமிழர் தலைவர் கழகம் வென்ற போர்க் களங்கள், கழகத் தோழர்களின் தனிச் சிறப்புகள், எதிர் கொள்ள வேண்டிய சவால்கள் ஆகியவற்றை விளக்கி சிறப்புரையாற்றினார். இறுதியில் வீரவநல்லூர் கழகத் தலைவர் கருணாநிதி நன்றி கூறினார்.

புதிய பொறுப்பாளர்கள்

தென்காசி மாவட்டம்

காப்பாளர்: சீ.டேவிட் செல்லத்துரை

மாவட்டத் தலைவர்: வழக்குரைஞர் த.வீரன், செயலாளர்: வே.முருகன்

துணைத் தலைவர்: ம.செந்தில்குமார், துணைச் செயலாளர்: இல.அன்பழகன்

மாவட்ட இளைஞரணி தலைவர்: சு.கோபால், செயலாளர்: பா.சங்கர்