വള്ളിയിലാടി വന്ന വള്ളിയങ്കാവിലമ്മ

വടക്ക് കൊടുങ്ങല്ലൂരും തെക്ക് മലയാലപ്പുഴയും. പടിഞ്ഞാറ് പാവുമ്പയും കിഴക്ക് വളളിയാങ്കാവും. കേരളത്തിന്റെ നാല് അതിർത്തികളിലായി സ്ഥിതി ചെയ്യുന്ന ഈ നാല് ഭദ്രകാളി ക്ഷേത്രങ്ങൾ കേരളത്തെ സംരക്ഷിക്കുന്നു എന്നാണ് വിശ്വാസം. മനസ്സുരുകി പ്രാർത്ഥിക്കുകയും ആശ്രയിക്കുകയും ചെയ്യുന്നവർക്ക് അനുഗ്രഹം ചൊരിയുന്ന കാര്യത്തിൽ ഉദാരമതികളാണ് ഈ നാല് ദേവീപ്രഭാവങ്ങൾ.

- പി. ജയചന്ദ്രൻ

വടക്ക് കൊടുങ്ങല്ലൂരും തെക്ക് മലയാലപ്പുഴയും. പടിഞ്ഞാറ് പാവുമ്പയും കിഴക്ക് വള്ളിയാങ്കാവും. കേരളത്തിന്റെ നാല് അതിർത്തികളിലായി സ്ഥിതി ചെയ്യുന്ന ഈ നാല് ഭദ്രകാളി ക്ഷേത്രങ്ങൾ കേരളത്തെ എല്ലാ നിലയിലും സംരക്ഷിക്കുന്നു എന്നാണ് വിശ്വാസം. മനസ്സുരുകി പ്രാർത്ഥിക്കുകയും ആശ്രയിക്കുകയും ചെയ്യുന്നവർക്ക് അനുഗ്രഹവും ആശ്വാസവും ചൊരിയുന്ന കാര്യത്തിൽ ഈ നാല് ക്ഷേത്രങ്ങളും പ്രസിദ്ധങ്ങളാണെങ്കിലും കൂട്ടത്തിൽ അൽപ്പം കൂടി മുൻപന്തിയിൽ വള്ളിയങ്കാവ് ഭഗവതിയാണന്നാണ് അനുഭവസാക്ഷ്യങ്ങൾ. ഈ തിരുനടയിലെത്തി മനം നൊന്ത് പ്രാർത്ഥിച്ചാൽ എല്ലാവിധ ആധികളും വ്യാധികളും ബുദ്ധി മുട്ടുകളും പ്രയാസങ്ങളും ഒഴിവാകും എന്നാണ് വിശ്വാസം. അതുകൊണ്ടുതന്നെ സംസ്ഥാനത്തിനകത്തുനിന്നും പുറത്തുനിന്നുമൊക്കെയായി നൂറുകണക്കിനാളുകളാണ് ചൊവ്വ, വെള്ളി, ഞായർ ദിവസങ്ങളിൽ വള്ളിയാകാവിലെത്തുന്നത്. ശത്രുദോഷം, ആഭിചാരം, മാനസിക രോഗങ്ങൾ എന്നിവയാൽ കഷ്ടപ്പെടുന്നവരുടെ അവസാനത്തെ ആശയം കൂടിയാണ് ഈ കാനനക്ഷേത്രം.

കോട്ടയം-കുമളി ദേശീയപാതയിൽ 35-ാം  മൈലിൽ നിന്ന് 15  കി.മീറ്റർ കിഴക്കുമാറി സ്ഥിതി ചെയ്യുന്ന ഈ ക്ഷേത്രത്തിലേക്കുള്ള യാത്ര ഒരേസമയം ദുഷ്കരവും ആസ്വാദ്യകരവുമാണെന്നുള്ളത് എടുത്തുപറയേണ്ടുന്ന വസ്തുതയാണ്. ട്രാവൻകൂർ റബേഴ്സിന്റെ തോട്ടത്തിന് നടുവിലൂടെ 15 കി.മീറ്റർ താണ്ടി ക്ഷേത്തിലെത്തുവാൻ ഒരു മണിക്കൂറിലേറെ സമയം വേണ്ടിവരും. അത്രകണ്ട് മെറ്റൽ ഇളകി, കുണ്ടും കുഴിയുമായി കിടക്കുകയാണ് റോഡ്. ആ യാത്രാബുദ്ധിമുട്ട് അറിയാതെ പോകുന്നത് ഇരുവശങ്ങളിലേയും പ്രകൃതിയുടെ വശ്യമനോഹാരിത കൊണ്ടാണ്. മലനിരകളാൽ ചുറ്റപ്പെട്ട പ്രദേശം കണ്ണിനും മനസ്സിനും നൽകുന്ന ദൃശ്യവിരുന്ന് അത് വിലമതിക്കാനാകാത്തതാണ്.

ദ്വാപരയുഗത്തോളം പഴക്കമുണ്ടെന്ന് കരുതപ്പെടുന്ന ഒരു ചരിത്രമാണ് വള്ളിയാങ്കാവ് ക്ഷേത്രത്തിനുള്ളത്. മുണ്ടക്കയത്തു നിന്നും 11 കി.മീറ്റർ അകലെ, സമുദ്രനിരപ്പിൽ നിന്നും 3500 അടി ഉയരത്തിലുള്ള പാഞ്ചാലി മേട്ടിൽ നിന്നാണ് ആ ചരിത്രം ഉത്ഭവിക്കുന്നത്.