ഗതിമാറി ഒഴുകുന്ന നദികൾ

ചെന്നുപെടുന്ന തൊഴിൽരംഗം പലതാവാം. അത് ഓരോരുത്തരുടേയും തൊഴിൽ ഭാവത്തെ ആശ്രയിച്ചിരിക്കും

- ശങ്കരാടിൽ മുരളി 9074507663

മലയാള സാഹിത്യനിരൂപണ ശാഖയിലെ ഒരു ഇതിഹാസമായിരുന്ന പ്രൊഫ. എം.കൃഷ്ണൻ നായർ പറഞ്ഞ വാചകം അതേപടി ഇവിടെ ചേർക്കുന്നു. ഏതെങ്കിലും ഒരു പുസ്തകം ഒരിടത്തും കിട്ടാതെ വരുമ്പോൾ, നമ്മൾ അന്തരിച്ച മന്ത്രിയും, കമ്മ്യൂണിസ്റ്റ് നേതാവുമായിരുന്ന എൻ.ഇ. ബലറാമിനോട് ചോദിച്ചാൽ മതി. അദ്ദേഹം അറിയില്ല എന്നുപറഞ്ഞാൽ ആകൃതി ലോകത്തൊരിടത്തും ലഭിക്കില്ല. രാഷ്ട്രീയക്കാരനായിരുന്ന ബലറാം എത്ര വലിയ പണ്ഡിതനായിരുന്നുവെന്നതിന്റെ സാക്ഷ്യപത്രമാണിത്. അക്കാഡമിക്ക് ക്വാളിഫിക്കേഷനല്ല, ആഴത്തിലുള്ള വായനയും പഠനങ്ങളുമാണ് അദ്ദേഹത്തെ അവിടംവരെ എത്തിച്ചത്. ആദ്ധ്യത്മികം, ധനതത്വശാസ്ത്രം വേദാന്തം അങ്ങനെ അദ്ദേഹം ചെന്നെത്താത്ത വിഷയങ്ങൾ കുറവാണ്.

പ്രസംഗകലയിലും ലേഖനമെഴുത്തിലും കേരളം കണ്ട ഏറ്റവും വലിയ പ്രതിഭാശാലിയായി രുന്നു കൗമുദി ബാലകൃഷ്ണൻ. രാഷ്ട്രീയക്കാരനും, പാർലമെന്റ് മെമ്പറുമായിരുന്നു. അതു പോലെ പനമ്പിള്ളി, സി.അച്യുതമേനോൻ,ഇ.എം.എസ് മുതലായ എത്രയോ പ്രതിഭാധനരെക്കു റിച്ച് നമുക്ക് ഓർക്കാം. ഡോ. ആർ. പ്രസന്നന്റെ നിയമസഭാ സ്മരണകൾ എന്ന കൃതിയിൽ നിയമസഭാ ലൈബ്രറി ഏറ്റവും കാര്യക്ഷമമായി ഉപയോഗപ്പെടുത്തിയ മുൻ കുന്നത്തുനാട്, ഞാറക്കൽ എം.എൽ.എ അന്തരിച്ച ടി.എ. പരമനെ പരാമർശിക്കുന്നുണ്ട്. മജിസ്ട്രേട്ട് പദവി വേണ്ടെന്നുവച്ച്, അറിയാതെ രാഷ്ട്രീയക്കാരനായ ടി.എ. പരമൻ വലിയ വായനക്കാരനും, പണ്ഡിതനും, സരസനുമായിരുന്നു.

വഴി പലത്