വ്യക്തിത്വത്തെ അപകടത്തിലാക്കുന്ന അഹങ്കാരം

ദ്വാരകയിലെ ഒരു സായാഹ്നം. ശ്രീകൃഷ്ണൻ അപ്പോൾ ദ്വാരകയിലെ ഉദ്യാനത്തിലായിരുന്നു. പെട്ടെ ന്നാണ് ഒരു പൂവിന്റെ നറുമണം ശ്രീകൃഷ്ണന്റെ നാസികയിലെത്തിയത്.

ദ്വാരകയിലെ ഒരു സായാഹ്നം. ശ്രീകൃഷ്ണൻ അപ്പോൾ ദ്വാരകയിലെ ഉദ്യാനത്തിലായിരുന്നു. പെട്ടെന്നാണ് ഒരു പൂവിന്റെ നറുമണം ശ്രീകൃഷ്ണന്റെ നാസികയിലെത്തിയത്.

ഈ പൂവും അതിന്റെ സുഗന്ധവും ദ്വാരകയ്ക്ക് പരിചിതമല്ലല്ലോ. യഥാർത്ഥത്തിൽ കുബേരന്റെ പട്ടണമായ അളകാപുരിയിലാണല്ലോ ഇതിന്റെ സുഗന്ധം മുൻപ് അനുഭവപ്പെട്ടിരുന്നത്. ആ പൂവിന്റെ മണം ഇങ്ങ് ഭൂലോകം വരെ എത്തുന്നുവെങ്കിൽ ആ പൂവ് ഇവിടെ ഉണ്ടായിരുന്നെങ്കിൽ എത നന്നായിരുന്നു. അതി നാൽ ആ പൂവും അതിന്റെ സുഗന്ധവും ഇവിടെ ആവശ്യമായിരിക്കുന്നു. ഉടൻ തന്നെ ശ്രീകൃഷ്ണൻ ഗരുഡനെ വിളിച്ചു.

അപ്പോൾ ഗരുഡനും സുദർശനചക്രവും തമ്മിൽ അന്യോന്യം കേമത്തം പറഞ്ഞ് നടക്കുകയായിരുന്നു.

"വിഷ്ണുവിനെ ചുമക്കുന്നവനല്ലേ നീ. എന്നെ ചുമക്കുന്നവനാണല്ലോ വിഷ്ണു എന്നിങ്ങനെയായിരുന്നു അപ്പോൾ സുദർശനചക്രത്തിന്റെ വീരവാദം.

“എന്നെപ്പോലെ മിന്നൽ വേഗതയിൽ ചലിക്കാൻ ആർക്കും സാധിക്കും. ഗജേന്ദ്രനെ മുതലയിൽ നിന്ന് മോചിപ്പിക്കാൻ എത്ര വേഗത്തിലാണ് പോയതെന്ന് നിനക്കറിയില്ല. ഞാൻ ശരവേഗത്തിലെത്തിയതുകൊണ്ടാണ് ഗജേന്ദ്രമോക്ഷം സംഭവിച്ചത്. ഇതുപോലെ എത്രയെത്ര സംഭവങ്ങൾ വേണമെങ്കിലും എനിക്ക് നിരത്താൻ കഴിയും.' ഗരുഡൻ പറഞ്ഞു.