അഞ്ജനാപുത്രന്റെ ജനനവും ലഭിച്ച വരങ്ങളും

"ലോകത്തെ ജയിക്കുന്ന നീ വീരനായിത്തീരട്ടെ'-

- ബാബുരാജ് പൊറത്തിശ്ശേരി 9846025010

ദേവഗുരുവായ ബൃഹസ്പതിയുടെ ദാസിയായിരുന്നു വിദ്യാധര യുവതിയായ പുഞ്ജികസ്ഥല, അവർ ഒരു ദിവസം പൂവിറുക്കു വാനായി കാട്ടിൽ ചെന്നപ്പോൾ വിദ്യാധര വർഗ്ഗത്തിലെ ഏതാനും യുവതീയുവാക്കളുടെ കാമലീല കൾ കാണാനിടയായി. മറഞ്ഞു നിന്ന് അവരുടെ ലീലാവിലാസ ങ്ങൾ ആസ്വദിച്ച് പുഞ്ജിക സ്ഥല കാമവികാരത്തിനടിമയായി പൂവിറുക്കാൻ കഴിയാതെ അവൾ മടങ്ങി. തനിക്കൊരു പുരുഷനില്ലാത്തതിന്റെ കുറവ് അന്നാദ്യമായി അവളനുഭവിച്ചു. ബൃഹസ്പതിയുടെ അടുത്തെത്തിയ പ്പോൾ കാമപാരവശ്യ ത്തോടെ സ്വന്തം നില മറന്ന് പുഞ്ജിക സ്ഥല അദ്ദേഹത്തെ കടന്നുപിടിച്ചു.

ബൃഹസ്പതി ഞെട്ടിയെന്ന് മാത്രമല്ല, വല്ലാതെ കോപിക്കുകയും ചെയ്തു. "അനവസരത്തിൽ കാമലോലുപയായ നീ എനിക്ക് ദാസിയായിരിക്കാൻ യോഗ്യയല്ല. നീ ഒരു വാനര സ്ത്രീയായി ഭൂമിയിൽ പിറക്കട്ടെ.

ബൃഹസ്പതിയുടെ ശാപം കേട്ടു നടുങ്ങിയ അവൾ അദ്ദേഹത്തിന്റെ കാൽക്കൽ വീണു ഏങ്ങിയേങ്ങിക്കരഞ്ഞു.

"നിനക്കിഷ്ടമുള്ള ഒരു പുരുഷനുമൊത്ത് കുറേക്കാലം രമിക്കുക. ശിവചൈത ന്യത്തിൽ നിന്ന് നിനക്കൊരു കുഞ്ഞ് ജനിച്ചാലുടൻ ശാപ മോക്ഷം ലഭിച്ച് ഇങ്ങോട്ട് മടങ്ങിവരാം.

പുഞ്ജികസ്ഥല ഒരു വാനരസ്ത്രീയായി ഭൂമിയിലെ അഞ്ജനവനത്തിലെത്തി. അഞ്ജനയെന്നായിരുന്നു അവളുടെ പേര്. അവിടെ വെച്ച് കേസരി എന്ന യുവാവുമായി അവൾ അനുരാഗത്തിലായി. കുറേനാൾ അവരൊരുമിച്ച് കഴിഞ്ഞെങ്കിലും അവൾക്ക് സന്താനങ്ങളുണ്ടായിരുന്നില്ല. ഒടുവിൽ ഒരു പുത്രനെ ലഭിക്കാൻ വേണ്ടി അഞ്ജന ശിവനെ തപസ്സ് ചെയ്യാൻ തുടങ്ങി.

ശ്രീപരമേശ്വരനും ശ്രീപാർവ്വതിയും വാനരരൂപം ധരിച്ച് വനാന്തരങ്ങളിൽ ക്രീഡിച്ചു നടക്കുന്ന സമയമായിരുന്നു അത്. പാർവ്വതി ഗർഭം ധരിക്കുകയും ചെയ്തു.