બૂટીક બિઝનેસ સાથે જોડાયેલી ૯ વાતો

જો તમે કપડાંમાં સારી ડિઝાઈન બનાવવાનો હુન્નર ધરાવો છો, તો બૂટીકનો બિઝનેસ શરૂ કરીને સારી આવક મેળવી શકો છો..

શું તમે માત્ર ૫ હજારમાં મોટી પાર્ટી માટે સ્વયંને તૈયાર કરી શકો છો? જો તમારો જવાબ હા છે તો તેનો અર્થ છે તમે ક્રિએટિવ છો ધ્યાન રહે, ફેશનનો અર્થ એ નથી થતો કે તમે તમારો ડ્રેસ કેટલો મોંઘો તૈયાર કર્યો છે. ખરા અર્થમાં ડિઝાઈનિંગનો અર્થ એ થાય છે કે તમારી ક્રિએટિવિટીથી તમે ઓછા ખર્ચમાં કેટલો આકર્ષક ડ્રેસ તૈયાર કર્યો છે.

તેથી બૂટીક બિઝનેસમાં આવતા પહેલાં સ્વયં પર આ ટેસ્ટ કરી જુઓ. જેમ કે તમારી જૂની સાડીનો ડિઝાઈનર સૂટ બનાવો. ઘણીવાર મહિલાઓ પોતાના મોંઘા બ્રાઈડલ ડ્રેસને આજીવન એમ જ પડી રહેવા દે છે, જ્યારે પોતાની ક્રિએટિવિટીથી તેનો આકર્ષક ડ્રેસ બનાવી શકાય છે. તેની સાથે સાથે બિઝનેસ શરૂ કરતા પહેલાં કેટલીક જરૂરી વાતો પણ જાણી લો :

મૂળભૂત જરૂરિયાત : બૂટીકની શરૂઆત કરતાં પહેલાં કેટલીક મહત્ત્વની જરૂરિયાતોને પૂર્ણ કરવી જરૂરી હોય છે. તેમાંથી એક છે બૂટીક ખોલવાની જગ્યા. શરૂઆતમાં આ નાનકડી જગ્યાથી પણ શરૂ કરી શકાય છે. પાર્લરની સાથે, ઘરના રૂમ કે ગેરેજમાં. નાની દુકાન ભાડે લઈને પણ શરૂ કરી શકાય છે.