દિવાળીમાં બાળકો માટે ખાસ ગિફ્ટ

આ દિવાળીમાં બાળકોને શું ગિફ્ટ આપવી કે તેમની સાથે પૂરી ફેમિલી માટે પણ એક યાદગાર ગિફ્ટ બની જાય...

કઈ નવું કરીએ, આપણે આવું બોલીએ તો વિચારીએ છીએ ત્યારે મામલો ટાંયટાંય ફિસ થઈ જાય છે. તહેવારમાં જ જોઈ લો, જ્યારે કોઈને ગિફ્ટ આપવાનું વિચારીએ છીએ, ત્યારે કપડાં, મીઠાઈ, રોકડા વગેરેથી આગળ વિચારી નથી શકતા. બાળકો સાથે આપણે અન્યાય કરીએ છીએ. તેમને નજરઅંદાજ કરવાની આપણી આદત બની ગઈ છે, જ્યારે દિવાળી જેવા મોટા તહેવારમાં તેમને નાની ગિફ્ટ પણ ખુશ કરી દે છે.

પારવીની મમ્મીએ તેની લાગણીને નજરઅંદાજ ન કરી. તે એક સિંગલ મધર છે અને એક મોટી પ્રાઈવેટ કંપનીમાં સારા હોદા પર કાર્યરત છે. તેમણે આ વખતે દિવાળી પહેલાં પોતાના જ વિસ્તારના એક કથક ડાન્સરના ત્યાં પારવીનું એડમિશન કરાવી દીધું.

આ કરવા પાછળ મોટું કારણ એ હતું કે પારવી ઘરમાં ટીવી સામે કોઈ ગીત વાગતા જ નાચવા લાગતી હતી. મમ્મીએ જ્યારે આ વાત નોટિસ કરી તે તેમને લાગ્યું કે પારવીમાં ડાન્સ કરવાનો નેચરલ ટેલેન્ટ છે. જ્યારે તે શીખ્યા વિના ગીતની દરેક બીટ પકડી લે છે, તો શીખ્યા પછી વધારે રંગ લાવશે.