સ્વાસ્થ્ય રક્ષા

બાળકોમાં ટાઈપ ૧ અને ટાઈપ ૨ ડાયાબિટીસ થવાના અલગઅલગ કારણ અને પ્રભાવ હોય છે

-  ડો. નવનીત અગ્રવાલ

મારા દીકરાની ઉંમર ૨ વર્ષ છે. અમારા પરિવારમાં ડાયાબિટીસની સમસ્યા છે. હું જાણવા માંગું છું કે શું મારા બાળકને પણ આ સમસ્યા થઈ શકે છે? મારા બાળકમાં હું ડાયાબિટીસનાં લક્ષણ કેવી રીતે ઓળખી શકું છું?

બાળકોમાં ટાઈપ ૧ અને ટાઈપ ૨ ડાયાબિટીસ થવાના અલગઅલગ કારણ અને પ્રભાવ હોય છે. ટાઈપ ૧ ડાયાબિટીસ ત્યારે થાય છે જ્યારે બાળકનું શરીર ઈન્સ્યુલિનનું ઉત્પાદન કરવામાં સક્ષમ નથી હોતું. ઈન્સ્યુલિન એક હોર્મોન્સ છે, જે તમારા શરીરમાં બ્લડ શુગર લેવલને નિયંત્રિત કરવામાં મદદ કરે છે. બાળકોમાં ટાઈપ ૧ ડાયાબિટીસને ‘જુવિનાઈલ ડાયાબિટીસ’ અથવા ‘ઈન્સ્યુલિન ડિપેન્ડેન્ટ ડાયાબિટીસ’ મેલિટસ તરીકે પણ ઓળખવામાં આવે છે. આ એક ‘ઓટોઈમ્યુન ક્રોનિક કંડિશન' છે.

બાળકોમાં ટાઈપ ૨ ડાયાબિટીસ તમારા બાળકની જીવનશૈલી અને ડાયાબિટીસનો પારિવારિક ઈતિહાસ (માતા કે પિતાને ડાયાબિટીસ હોવો)ના લીધે થાય છે.