મતભેદ ભૂલીને તહેવાર ઊજવો

પરસ્પર મતભેદ ભૂલીને એ રીતે તહેવાર ઊજવો કે દુશ્મન પણ મિત્ર બની જાય...

- પ્રિયંકા યાદવ

આલિયા જ્યારે ૧૯ વર્ષની હતી ત્યારે જ તેના પિતા મનોજ યાદવે પોતાની પ્રોપર્ટીના કાગળ તૈયાર કરાવી લીધા હતા, જેમાં તેમણે પોતાની પ્રોપર્ટીના ૨ ભાગ કરાવી દીધા. એક ભાગ પોતાના દીકરા સુમિત યાદવ અને બીજો ભાગ આલિયા યાદવના નામે કર્યો.

આજ સુધી સુમિત વિચારી રહ્યો હતો કે તે પૂરી સંપત્તિનો એકમાત્ર વારસ છે, બીજું કોઈ નથી, પરંતુ જ્યારે સુમિતને ખબર પડી કે આલિયા પણ સંપત્તિમાં ભાગીદાર છે તો તે દંગ રહી ગયો. તે નહોતો ઈચ્છતો કે કોઈ બીજાને પણ ભાગ આપવો પડે. તે પણ ઘરની દીકરીને તો બિલકુલ નહીં.

પરંતુ સુપ્રીમ કોર્ટે પણ દીકરીને બાપની પ્રોપર્ટીમાં ભાગ આપવાનો નિર્ણય આપ્યો છે. એવામાં સુમિતનું થોડું પણ ચાલ્યું નહીં અને આલિયાને પણ પ્રોપર્ટીમાં ભાગ મળી ગયો. આ વાતને ૯ વર્ષ થઈ ગયા, પણ સુમિત અને આલિયા વચ્ચે મતભેદ આજે પણ છે.

આવી જ એક કહાણી અમદાવાદની ડિમ્પલ અને મયંકની છે. ડિમ્પલને પોતાની ભાભી યામિની સાથે બિલકુલ બનતું નથી. ડિમ્પલ અને મયંક ભાઈબહેન છે, પરંતુ જ્યારથી મયંકના લગ્ન થયા છે ત્યારથી તે હંમેશાં યામિની યામિની કરતો રહે છે.