తల్లి అయ్యాకే మొదలైంది కొత్త జీవితం

మాతృత్వం తర్వాత కూడా ఎంచుకున్న రంగాల్లో అద్భుతంగా రాణిస్తున్న మహిళలు ఎంతోమందికి స్ఫూర్తి దాతలవుతున్నారు. మేము ఎవ్వరికీ ఏమాత్రం తీసిపోము అని నిరూపిస్తున్న మహిళల గాథలు ఇవిగో...

- - గరిమా పంకజ్ •

మాతృత్వం తర్వాత కూడా ఎంచుకున్న రంగాల్లో అద్భుతంగా రాణిస్తున్న మహిళలు ఎంతోమందికి స్ఫూర్తి దాతలవుతున్నారు. మేము ఎవ్వరికీ ఏమాత్రం తీసిపోము అని నిరూపిస్తున్న మహిళల గాథలు ఇవిగో...

తల్లి అయ్యాక కెరీర్ సమాప్తం అయి పోయిందని మహిళలు ఎన్నడూ అనుకో కూడదు.పిల్లలు పుట్టాక కూడా వీలుని బట్టి ప్రొఫెషన్ రాణిస్తూ సొంతంగా గుర్తింపుని సాధించుకోవచ్చు.

సాధారణంగా ఒక మహిళ జీవితం ఇంట్లో అజ్ఞాకారి, సంస్కార వంతురాలైన ముద్దుల కూతురిగా మొదలవుతుంది. ఆమె భుజాల మీద ఒకవైపు కుటుంబ పరువుని నిలబెట్టే బాధ్యత, మరోవైపు కుటుంబీకుల ఆకాంక్షలను నెరవేర్చాల్సిన కర్తవ్యం కూడా ఉంటాయి. తల్లిదండ్రులు చెప్పింది వినటం, అనుచితమైనవి చేయకుండటం ఆమెకు గైడ్లైన్స్ ఉంటాయి.

కొన్ని ఇళ్లలో ఈ అమ్మాయిలు ఎదిగేలా ఏర్పాట్లు చేస్తే మరికొన్ని ఇళ్లలో అలా ఉండదు.అవకాశం ఇచ్చిన చోట మాత్రం ఆమె కెరీర్లో ఉన్నత శిఖరాలను అందుకుంటుంది. పెళ్ళయ్యాక అత్తారింటికి వెళ్తుంది. అక్కడ పూర్తి భిన్నమైన వాతావరణం ఉంటుంది. కొత్త విధానాలు, కొత్త వ్యక్తులు, కొత్త ఆకాంక్షల మధ్య తన అస్తిత్వాన్ని కూడా మరిచిపోతుంది. భర్తది ఉదార స్వభావమైతే భార్యకు ఎదగటానికి అవకాశాలు కల్పిస్తాడు.

సాధారణంగా మహిళకు మొదటి ప్రాధాన్యత ఎప్పుడైనా తన కుటుంబ పరివారం, ముఖ్యంగా తల్లి అయ్యాక ఆమె జీవితమంతా పిల్ల చుట్టూనే తిరుగుతుంటుంది.

కూతురు, భార్యగా మొదలయ్యే ప్రయాణం తల్లి అయ్యాక ఆగిపోతుంది. తనకంటూ ఒక గుర్తింపు సాధించుకునే తపన లోలోపలే అణిగి ఉంటుంది. కొన్నిసార్లు సమాజం ముందుకు వెళ్లనివ్వదు. ఇంకొన్నిసార్లు తనలోనే తగినంత ధైర్యం ఉండదు.

సొంత గుర్తింపు

తల్లి అయ్యామంటే ఇక కెరీర్ ఆగిపోయినట్లే అనే భావన మహిళలు ముందుగా వదిలేయాలి. మాతృత్వం తర్వాత కూడా వెసులుబాటుని బట్టి పని కొనసాగించి, గుర్తింపుని సాధించుకోవచ్చు.

నేడు ఇలాంటి ఎందరో మహిళలు మాతృత్వం పొందాక కూడా కొత్త తరహాలో కుటుంబ బాధ్యతలతో పాటు సొంత గుర్తింపుని కూడా సాధించుకుంటున్నారు. వారిలోని పట్టుదలను చూసి అత్తారింట్లో కూడా పూర్తి సహకారం అందిస్తున్నారు.