తొందరపాటు అస్సలు నచ్చదు నేహా శెట్టి

అడుగు వేయక ముందు ఎంతైనా ఆలోచించొచ్చు కానీ, ఒక్కసారి అడుగు వేసాక వెనక్కి తగ్గకుండా దూసుకెళ్లటమే తన పాలసీ అని అందాల తార నేహాశెట్టి అంటున్నారు.

అడుగు వేయక ముందు ఎంతైనా ఆలోచించొచ్చు కానీ, ఒక్కసారి అడుగు వేసాక వెనక్కి తగ్గకుండా దూసుకెళ్లటమే తన పాలసీ అని అందాల తార నేహాశెట్టి అంటున్నారు. చిన్నప్పటి నుంచి హీరోయిన్ కావాలని అనేక కలలు, అనేక ఆశలు పెట్టుకోవటం వల్ల తన డ్రెస్సింగ్లో, తన క్యారెక్టర్లో నటన ఇమిడిపోయిందని నేహా చెబుతున్నారు. ఒక విషయంలో స్పందించే ముందు లోతుగా ఆలోచిస్తానని, ఒక చిత్రానికి కథను, పాత్రను చూసి నిర్ణయం తీసుకుంటానని చెప్పారు. వ్యక్తుల మనస్తత్వాలను అధ్యయనం చేయటం తనకు చాలా ఇష్టమన్నారు. టాలీవుడ్లో చేసింది నాలుగు చిత్రాలే అయినా తన అందం, అభినయం, ఆత్మ విశ్వాసంతో వేగంగా మంచి గుర్తింపుని సంపాదించుకున్న నేహాశెట్టి కెరీర్, లైఫ్ గురించి చెప్పిన ఇంటర్వ్యూ విశేషాలు ఇవి...

 టాలీవుడ్లో కెరీర్ ఎలా సాగుతోంది?

కన్నడ భాష నుంచి వచ్చిన నాకు తెలుగులోనే ఎక్కువ  అవకాశాలు వచ్చినందుకు టాలీవుడికి, తెలుగు ప్రేక్షకులకు హృదయపూర్వకంగా కృతజ్ఞతలు చెబుతున్నాను. మోడలింగ్ నుంచి హీరోయిన్ వరకు ప్రతి దశలో ఆత్మవిశ్వాసం నన్ను ముందుకు నడిపిస్తూ వచ్చింది. ప్రస్తుతం తెలుగుతోపాటు మరికొన్ని భాషల చిత్రాలు కూడా చేస్తున్నాను. ఇప్పటివరకైతే నా కెరీర్ నడుస్తున్న తీరుతో హ్యాపీనే.

మోడలింగ్లో ప్రముఖంగా ఉన్న మీరు హీరోయిన్గా ఎలా మారారు?