శరీరంలో విటమిన్లు తగ్గితే ఏం చేయాలి?

చక్కని ఆరోగ్యం, అందమైన చర్మం మీ సొంతం కావాలంటే ఈ విషయాలు తప్పక తెలియలి.

- -గరిమా పంకజ్

చక్కని ఆరోగ్యం, అందమైన చర్మం మీ సొంతం కావాలంటే ఈ విషయాలు తప్పక తెలియలి.

శరీరానికి విటమిన్లు నిండుగా ఉన్న ఆహారం తీసుకోవాలి. లేదంటే అనేక రోగాలు చుట్టేస్తాయి. విటమిన్ల లోపం వల్ల శరీరంలో కొన్ని లక్షణాలు కనిపిస్తాయి. వాటిని గుర్తించి సమయానికి ఆహారంలో మార్పులు చేసుకుంటే అనేక రుగ్మతల నుంచి కాపాడుకోవచ్చు. ఇక్కడ విటమిన్ల లోపం శరీరంపై చూపే సంకేతాల గురించి తెలుసుకుందాం.

-విటమిన్ 'ఎ' లోపిస్తే లక్షణాలు

స్కిన్ డ్రై అయిపోవటం : విటమిన్‘ఎ’ లోపం వల్ల చర్మం పొడిబారుతుంది. ఇది చర్మ కణాల నిర్మాణానికి సహాయపడే విటమిన్. చర్మ కణాల మరమ్మతుకి కూడా ఉపయోగపడుతుంది.తగినంతగా విటమిన్ 'ఎ' తీసుకోకుంటే ఎగ్జిమా, ఇతర చర్మ సంబంధ సమస్యలు ఎదుర్కోవాలి.

కంటి సమస్యలు : విటమిన్ 'ఎ' లోపంతో ఏర్పడే అతి ముఖ్యమైన లక్షణం కంటి సమస్యలు.కళ్లు పొడిబారటమే విటమిన్ 'ఎ' లోపానికి మొదటి లక్షణం. దీని లోపం రేచీకటి ' వ్యాధి వస్తుంది.వ్యక్తికి సాయంత్రం లేదా రాత్రి చూపు తగ్గుతుంది.కళ్లు అతి వెలుగును భరించలేవు.

సంతాన రాహిత్యం: విటమిన్ 'ఎ' పురుషులు, మహిళలు ఇద్దరిలో సంతానోత్పత్తి సామర్థ్యానికి చాలా అవసరం. అలాగే పిండం ఎదుగుదలకు కూడా ఇది ముఖ్యమైనది. స్త్రీలు ఎవరైనా గర్భం దాల్చటంలో సమస్యలు ఎదురవుతున్నట్లయితే విటమిన్ 'ఎ' ఒక కారణం కావచ్చు.

చిన్నారుల ఎదుగదల మందగించటం : విటమిన్ 'ఎ' తగినంత లభించని పిల్లల్లో ఎదుగుదల తగ్గుతుంది. మానవ శరీరం సరైన ఎదుగుదలకు 'ఎ' విటమిన్ పాత్ర చాలా ముఖ్యమైనది.

గొంతు, ఛాతీ వ్యాధులు : గొంతు, ఛాతీలో పదే పదే ఇన్ఫెక్షన్లు విటమిన్ 'ఎ' లోపం వల్ల ఏర్పడుతుంటాయి. శ్వాస నాళాల ఇన్ఫెక్షన్ల నుంచి విటమిన్ 'ఎ' కాపాడుతుంది.

గాయాలు మానటంలో సమస్యలు : శరీరానికి గాయమవటం లేదా సర్జరీ తర్వాత నయం కాని గాయాలకు విటమిన్ 'ఎ' లోపం కారణం కావచ్చు. -ఎందుకంటే విటమిన్ 'ఎ' హెల్దీ స్కిన్ కోసం అవసరమైన కొల్లాజెన్ ఉత్పత్తిని ప్రేరేపిస్తుంది.