ఓరల్ హైజీన్ గురించి తెలుసా?

అందమైన చిరునవ్వుని నిలిపి ఉంచుకోవాలంటే నోరు, దంతాల శుభ్రతలో ఈ జాగ్రత్తలు పాటించాలి.

- - గరిమా పంకజ్

అందమైన చిరునవ్వుని నిలిపి ఉంచుకోవాలంటే నోరు, దంతాల శుభ్రతలో ఈ జాగ్రత్తలు పాటించాలి.

ఒక ప్రియమైన చిరునవ్వు ఎదుటివారి హృదయంలో మీ కోసం చోటు సంపాదించగలదు. ఈ చిరునవ్వుని అలాగే ఉండనివ్వాలంటే ఆరోగ్యంగా శుభ్రతతో మెరిసే దంతాలు కావాలి. మనం శరీరాన్ని శుభ్రం చేసుకున్నట్లే నోటి క్లీనింగ్ విషయంలో కూడా శ్రద్ధ చూపాలి. లేదంటే దంతాలు, చిగుర్లకు సంబం ధించిన అనేక రోగాలు దాడి చేసే ప్రమాదం పెరుగుతుంది.

దంతాలు పుచ్చటం, నొప్పి, బ్యాక్టీరియల్ ఇన్ఫెక్షన్స్, నోటి దుర్వాసన వంటి సమస్యలతో పాటు శరీరంలోని ఇతర భాగాలు కూడా అపరిశుభ్రత వల్ల ప్రభావితమైపోతాయి.

సీరియస్ రుగ్మతలకు కారణం

దంతాల్లోని సమస్యలు అనేక వేరే రోగాలకూ కారణమవుతాయి. దంతాల సమస్య ఎక్కువ కాలంగా ఉంటే నిర్లక్ష్యం చేయకండి. 'నేషనల్ సెంటర్ ఫర్ బయోటెక్నాలజీ ఇన్ఫర్మేషన్' ప్రకారం దంతాల రోగాల వల్ల హృదయం, మెదడు సంబంధమైన ఇతర వ్యాధుల ప్రమాదం కూడా ఉంటుంది. అందుకే మీరు ఓరల్ హైజీన్పై జాగ్రత్తలు తీసుకోవాలి.

హార్ట్ ఎటాక్ ప్రమాదం తగ్గుతుంది.

‘అమెరికన్ కాలేజ్ ఆఫ్ కార్డియాలజీ' ప్రకారం చిగుర్ల రోగాల వల్ల గుండె జబ్బులు వచ్చే ప్రమాదం 50% పెరుగుతుంది. కానీ ఓరల్ హైజీన్ బాగుంటే హృద్రోగాల అవకాశాలను చాలా తగ్గించవచ్చు.