బంధుత్వాలు భారంగా మారితే ఏం చేయాలి?

బంధువులతో ఏ విధంగా వ్యవహరిస్తే సంబంధాలు జీవితాంతం మధురంగా ఉంటాయో తప్పక తెలుసుకోండి.

- - రీతూ వర్మ •

భ వాని పెళ్లయ్యాక అత్తారింటికి వచ్చినప్పుడు చాలా సంతోషంగా ఉండేది. ఆమెకు ఆడపడుచు శ్రేయా రూపంలో ఎంతో మంచి స్నేహితురాలు దొరికింది. భవానికి ఈ కొత్త ఇంట్లో ఒక్క శ్రేయా మాత్రమే అన్ని విషయాలు వినేది. అంతేగాక కుటుంబ సభ్యుల వ్యక్తిగత విషయాలు కూడా చర్చించేది.

శ్రేయా భవానికి ఒక వివాహిత పురుషుడితో తన సంబంధం గురించి చెప్పగా ఆమె ఆపాలని చూసింది. కానీ శ్రేయా “వదినా ప్రేమ అంటే ప్రేమనే. మీకు కూడా పెళ్లికి ముందు ఎన్నో ఎఫైర్స్ ఉన్నాయని కదా. ఈ సంగతి నేను ఎవరికైనా చెప్పానా?” అంది.

భవాని బదులివ్వలేదు. ఆ తర్వాత భవాని కుటుంబానికి తెలిసిపోయింది. శ్రేయాకు ఎఫైర్ ఉన్న సంగతి ముందే తెలిసినా నోరు మూసుకుని ఉన్నందుకు అందరూ తీవ్రంగా కోప్పడ్డారు.

అనూ తల్లి సింగిల్ మదర్. ఆమె ఇంటా బయట అన్నీ చూసుకుంటూ, అనూ బాగోగుల్ని కూడా పట్టించుకునేది. తనకు నచ్చినట్లుగా ఆ అమ్మాయి ఏదైనా మొదలుపెట్టగానే తల్లి లెక్చర్ మొదలుపెడ్తుంది. “నేను ఒంటరిగా సంపాదించే మహిళను. జీవితమంతా నీకే అర్పించేసాను.అయినా నువ్వు ఇష్టారాజ్యంగా వ్యవహరిస్తున్నావు”.

అనూ మాటలు వింటే మమ్మీ తనను పెంచి ఎందుకిలా తయారుచేసింది అన్నట్లు ఉంటాయి."నేను సంతోషంగా ఉండేందుకు లేదా నాకు నచ్చిన పని చేసేందుకు హక్కు లేదు" అనూ తన మమ్మీ వైఖరితో విసిగిపోయింది.

ప్రియా భర్త పవన్ అవసరమైతే ఆమెను ఎంతో ప్రేమగా, లేదంటే నిర్లక్ష్యంగా చూస్తుంటాడు. దీనిపై ప్రియా ఏదైనా అంటే “ప్రియా ఇదంతా నా వర్క్ ప్రెషర్, అర్థం చేసుకో" అనేవాడు.

పవన్ ఎంతగా నటిస్తాడంటే అనేకసార్లు అలా మాట్లాడినందుకు ప్రియాకే గిల్టీ ఫీలింగ్ కలుగుతుంది.