సంపాదించే వరకు పెళ్లి వద్దంటున్న అమ్మాయిలు

అమ్మాయిలను కూడా చదివించి సంపాదనపరులుగా మారేందుకు స్వేచ్ఛనివ్వటం తల్లిదండ్రులకు చాలా అవసరం. అలా ఎందుకో ఇది చదివితే తెలుస్తుంది....

అమ్మాయిలను కూడా చదివించి సంపాదనపరులుగా మారేందుకు స్వేచ్ఛనివ్వటం తల్లిదండ్రులకు చాలా అవసరం. అలా ఎందుకో ఇది చదివితే తెలుస్తుంది....

చదువు చాలా అయిపోయింది.కావాల్సినంత చదివించాం. ఇక “చ ఇక్కడ ఆగు. ఇంకా ముందుకు ఎగిరే అవసరం లేదు. చాలా మంచి కుటుంబం నుంచి సంబంధం వచ్చింది. బోలెడు డబ్బు, ఫ్యామిలీ బిజినెస్ ఉన్నాయి. అబ్బాయికి చదువు తక్కువే కానీ ఏ లోటు లేకుండా ఎల్లప్పుడు రెండు జేబులు నిండుగా ఉంటాయి".

తండ్రి గట్టిగా చెబుతుండటంతో క్షణం పాటు వణికిపోయిన రమ్య ధైర్యం చేసి బదు లిచ్చింది “లేదు డాడీ నేను జాబ్ చేయాలి.ఇంతవరకు చదివింది ఇంట్లో కూర్చునేందుకు కాదు. అలాగని ఉద్యోగం కేవలం డబ్బు కోసమే చేస్తారనుకోవద్దు. తమ సమర్థతల్ని తెలుసుకోని, ప్రపంచాన్ని మరింత మెరుగ్గా అర్థం చేసుకు నేందుకు జాబ్ ఉండాలి. నేను ఎంతవరకు సంపాదన మొదలు పెట్టానో అందాక పెళ్లి గురించి పెళ్లి గురించి ఆలోచించను. మీరు నాపై ఒత్తిడి పెట్టకుంటే బాగుంటుంది. నేను అమ్మ లాగా ప్రతి విషయానికి భర్త మీద ఆధారపడాలి అనుకోవట్లేదు”.

రమ్య మాటలు విన్నాక ఆమె తండ్రికి షాక్ తగిలినట్లయింది. కానీ అమ్మాయి ఒత్తిడికి లొంగేది కాదని గ్రహించాడు. అందుకే పెళ్లి ప్రస్తావనను ఆయన అంతటితోనే వదిలేసాడు.

కలలు చెదిరితే సంతోషం ఉండదు

రమ్య ధైర్యంగా తాను అనుకున్నది చేయ గలిగింది కానీ ఎందరు అమ్మాయిలు ఇలా చేస్తారు? తల్లిదండ్రుల ఒత్తిడి ముందు లొంగి పోయి పెళ్లి చేసుకుంటారు. కానీ సంపాదించి సొంత కాళ్లపై నిలబడాలన్న కోరిక లోలోపలే ఉంటుంది. పెళ్లయ్యాక చెదిరిన కలలలో జీవిస్తూ తాను కానీ, కుటుంబాన్ని కానీ సంతోషంగా ఉంచలేదు. హిందీలో కంగనా సినిమా ఒకటి ఉంది. 'సిమ్రన్' అనే చిత్రంలో ఆమె అంటుంది. "నాకు వీపు నుంచి సీతాకోకచిలుకల్లా 2 చిన్న చిన్న రెక్కలు వస్తున్నట్లుంది. గాలులు నన్ను ఆపలేవు. దారులు నన్ను అడ్డగించలేవు. భుజాలకు రెక్కలున్నాయి, మనసులో ధైర్యముంది. నేను ఎప్పుడైనా ఎగరగలను" ఈ డైలాగ్స్ తొలిసారి ఉద్యోగానికి వెళ్లే అమ్మాయిల భావాలకు చక్కగా అద్దం పడుతున్నాయి.