రుతుస్రావాన్ని వ్యాధిగా చూడొద్దు!

రుతుక్రమం గురించి అపోహలు ఉన్నవారు ఇది తప్పకుండా తెలుసుకోవాలి...

రుతుక్రమం గురించి అపోహలు ఉన్నవారు ఇది తప్పకుండా తెలుసుకోవాలి...

పీరియడ్స్ గురించి మన సమాజం ఇప్పటికీ బహిరంగంగా మాట్లాడడానికి వెనుకాడుతుంది.దీనిని అందరి ముందు మాట్లాడకూడని విషయంగా భావిస్తారు. ప్యాడ్ని దాచి పెట్టి తెచ్చుకోవాలి, అబ్బాయిలకు చెప్పకూడదు, ఈ సమయంలో ఇంట్లో అందరికీ దూరంగా ఉండాలి లాంటి విషయాలు ప్రతి అమ్మాయికి నేర్పిస్తారు.

పీరియడ్స్ దాచుకోవాల్సిన విషయం కాదు. ప్రతి స్త్రీకి రుతుక్రమం రూపంలో జరిగే సహజ ప్రక్రియ. కానీ పీరియడ్ పేరు వినగానే చాలా మందికి ఏదో మురికి పదం వాడినట్లు అనిపిస్తుంది.

పీరియడ్స్ గురించి చాలామంది మహిళల మనసులో ఎన్నో సమస్యలు, ప్రశ్నలు ఉంటాయి.వాటి గురించి బహిరంగంగా మాట్లాడలేరు. మన సమాజం ఆధునికతవైపు వేగంగా దూసుకుపోతోంది. కానీ సమాజపు మనస్తత్వం మాత్రం ఇంకా పాతకాలపు భావాలకు కట్టుబడి ఉంది. నేటికీ స్త్రీలను పీరియడ్స్ వచ్చినప్పుడు గుడికి వెళ్లనివ్వరు. పచ్చళ్లు ముట్టుకోకూడదు.వారిని భిన్నంగా చూస్తారు. ఇలాంటి ఆలోచనను మార్చడానికి ప్రతి సంవత్సరం మే 28న ప్రపంచ పరిశుభ్రతా దినోత్సవం జరుపుతుంటారు.

'వరల్డ్ మెన్స్ట్రువల్ హైజీన్ డే' ముఖ్య ఉద్దేశం సమాజంలో రుతుక్రమానికి సంబంధించిన అపోహలను తొలగించి, పీరియడ్స్ సమయంలో పరిశుభ్రతపై మహిళలకు అవగాహన కలిగించడం. ఇది 2014లో ప్రారంభమైంది.

రుతుస్రావం వ్యాధి లేదా మురికి కాదు