సెక్సు గురించి మాట్లాడటానికి సిగ్గు ఎందుకు?

సాంకేతికత, ఆధునికత తీవ్ర స్థాయిలో దూసుకెళ్తున్న కాలంలో కూడా సమాజం సెక్సు గురించి మాట్లాడటాన్ని తప్పుగా భావిస్తోంది. ఎందుకు ఇలాంటి పరిస్థితి ఏర్పడిందో తెలిస్తే విస్తుపోతారు.....

- - భరత్ భూషణ్ శ్రీవాస్తవ్ 

మహా నగరంలో ఉంటున్న నడి  వయసు మానసి మధ్య తరగతి గృహిణి. అధ్యాపకుడైన భర్త పరిమిత ఆదాయంతోనే కుటుంబం ఏదోలా నడిచిపోతుంది. కానీ ఆకాంక్షలు, కోరికలు నెరవేరవు. చాలా ఆర్థిక ఇబ్బందులు ఎదురవుతుంటాయి. 8 ఏళ్ల కొడుకు స్కూలు బూట్లు పాడైపోయినా కొనే పరిస్థితి లేదు. ఈ పరిస్థితుల్లో కూడా ముక్కు సూటి మనిషైన భర్త మీద ఆమెకు ఎలాంటి ఫిర్యాదులు ఉండవు.

ఆమెలో ఒక అసంతృప్తి దాగి ఉండేది. కానీ పరిచయస్తుల ద్వారా డబ్బు సంపాదన కోసం వ్యభి చారంలోకి దిగాక పరిస్థితి మారిపోతుంది.ఇదంతా వినటానికి విడ్డూరంగా ఉండొచ్చు కానీ, నుదుట పెద్ద బొట్టు పెట్టేసుకుని తిరిగే సంప్రదాయ భారతీయ గృహిణి డబ్బు కోసం ఇలాంటి అధమ మార్గాన్ని ఎందుకు ఎంచుకుంటుంది? అని పించొచ్చు. అది కూడా 90వ దశకంలో, అంటే నేటి సమాజంలో ఉన్న స్వేచ్ఛ, ఉదారత, స్వతంత్ర ఆలోచనాధోరణి కంటే 25 ఏళ్లు వెనుకబడిన కాలం.

1997లో ప్రముఖ దర్శక నిర్మాత వాసు భట్టాచార్య ‘ఆస్థా' చిత్రం ద్వారా రిస్కు తీసుకొని ఓ విషయం చెప్పారు. కానీ ఆశించినంతగా జనం దీన్ని ఆదరించరు. కాకపోతే జనం దీన్ని పూర్తిగా అంగీకరించటం లేదా సంపూర్ణంగా తిరస్క రించటం చేయలేదు. బహుశా ఇందులో ఏదో ప్రత్యేకత జనానికి కనిపించినట్లుంది.

మానసి పాత్రలో రేఖా అద్భుతమైన నటనను పండించగా, అమర్ రోల్లో ఓమ్ పురీ కూడా ఏమాత్రం వెనక్కి తగ్గలేదు. అనేక కొరతల మధ్య ఊగిసలాడే మిడిల్ క్లాస్ భార్యాభర్తల సమస్యల్ని తెరకెక్కించిన ఈ చిత్రంలో సెక్సు గురించిన ప్రస్తావన ఎంతో భిన్నంగా ఉంటుంది. మిస్టర్ దత్ పాత్రలో నవీన్ నిశ్చల్ మానసికి విటుడిగా ఉంటాడు. అతనితో మానసి ఆర్థిక అవసరాలు తీరిపోతుంటాయి. కానీ అనూహ్యంగా సెక్సు సంబంధత అవసరాలు అనేక జిజ్ఞాసలతోపాటుగా తలెత్తుకొస్తుంటాయి.

నిజానికి దత్ సెక్సు విషయంలో చాలా ప్రయోగాత్మకంగా, పద్ధతిగా ఉంటాడు. అతడు మానసి మీద ఆకలిగొన్న తోడేలులా విరుచుకు పడకుండా చాలా కళాత్మక ధోరణిలో సెక్సు చేస్తాడు.

శృంగారంపై మౌనం ఎందుకు?