చిత్రసీమలో ఎదగాలంటే ఓపిక ఉండాలి -గాయత్రీ భరద్వాజ్

ప్రపంచంలో టాలీవుడికి గుర్తింపు క్రమంగా పెరిగిపోతోంది. ఆస్కార్తో ఆ ఖ్యాతి నలుదిశలా విస్తరించింది.

ప్రపంచంలో టాలీవుడికి గుర్తింపు క్రమంగా పెరిగిపోతోంది. ఆస్కార్తో ఆ ఖ్యాతి నలుదిశలా విస్తరించింది. నిరంతరం కొత్త తారల్ని తెరకు పరిచయం చేయటం, సరికొత్త ప్రయోగాల్ని చిత్రీకరణలో చూపిస్తుండటం వల్లే టాలీవుడ్ కీర్తి అంతర్జాతీయంగా పాకిపోయింది అని నమ్మే వారిలో గాయత్రీ భరద్వాజ్ ఒకరు. 'టైగర్ నాగేశ్వరరావు' చిత్రంలో టాలీవుడికి పరిచయమైన ఈ ఢిల్లీ భామ మరిన్ని అవకాశాల వేటలో పడ్డారు. ఫ్యాషన్ ప్రపంచం నుంచి సినిమాలవైపు వచ్చిన గాయత్రీ తెలుగుకి ముందే హిందీలో గుర్తింపు పొందారు. 'ఇత్తూ బాత్' అనే సినిమాతోపాటు దిండోరా, ఇష్క్ ఎక్స్ప్రెస్, హైవే లవ్ తదితర హిందీ వెబ్ సిరీస్ లో నటించారు. కుటుంబంలో ఎవరికీ సినిమా బ్యాక్ గ్రౌండ్ లేనప్పటికీ తనను పూర్తిగా ప్రోత్సహించటం వల్లే ఒక స్థాయికి రాగలిగానని చెప్పారు. స్కూల్లో చదువుతున్న రోజుల్లోనే ఫ్యాషన్ పోటీలు, ర్యాంప్ వాక్ ల్లో పాల్గొని అనేక బహుమతులు సాధించా నన్నారు. సైకాలజిస్ట్ అయిన తన తల్లి కెరీర్లోని ప్రతి దశలో అన్ని విధాలుగా ఎంకరేజ్ చేస్తూ వచ్చారని వివరించారు. ప్రస్తుతం హిందీ, తెలుగు చిత్ర పరిశ్రమల్లో పూర్తిస్థాయి కెరీర్ని రూపొం దించుకునే పనిలో బిజీగా ఉన్నానని చెబుతోన్న గాయత్రీ భరద్వాజ్ ఇంటర్వ్యూ విశేషాలు...

చిత్ర రంగానికి రావాలని ప్రేరణ ఎలా  కలిగింది?

కాలేజీ రోజుల నుంచే ఫ్యాషన్పై ఆసక్తి ఉండేది. ఫ్యాషన్ ప్రపంచంలో వరల్డ్ ఫేమస్ కావాలని కలలు కనేదాన్ని. ఏడో తరగతి నుంచే ఫ్యాషన్ షోలో, ర్యాంప్ వాక్స్లో పాల్గొనటం మొదలుపెట్టాను. ఫ్యాషన్ నుంచి క్రమంగా అందాల పోటీలవైపు ఆకర్షితమయ్యాను.2018లో ఫెమినా మిస్ ఇండియా - మిస్ యునైటెడ్ కాంటినెంట్స్ టైటిల్ గెలిచాను. ఆ గుర్తింపుతోనే హిందీ సినిమా, వెబ్ సిరీస్ వైపు వెళ్లాను.

మీ కుటుంబ నేపథ్యం ఏమిటి?