ఇమ్యూనిటీ పెంచే సులువైన చిట్కాలు

చలికాలంలో మీతోపాటు కుటుంబ సభ్యుల్లోనూ ఇలా రోగనిరోధక శక్తిని పెంచి వ్యాధుల నుంచి బయటపడవచ్చు.

- -గరిమాపంకజ్

శీతాకాలంలో రోగనిరోధక శక్తి తక్కువ ఉన్న వారు తరచుగా అనారోగ్యానికి గురవుతుంటారు. ఈ సీజన్లో కాలుష్యం తీవ్ర స్థాయికి చేరుకుంటుంది. ఈ కాలంలో గాలిలోని చల్లదనం శరీరం పని సామ ర్థ్యాన్ని తగ్గిస్తుంది. ఇలాంటి పరిస్థితిలో బలమైన ఇమ్యూనిటీ కలిగి ఉండటం చాలా ముఖ్యం.

రోగనిరోధక శక్తి అంటే ఏమిటి?

నిజానికి ఇది మన శరీరంలో ఉన్న టాక్సిన్లతో పోరాడే ఒక శక్తి శరీరంలో టాక్సిన్లు ఏర్పడడానికి బ్యాక్టీరియా, వైరస్ లేదా హానికారక పరాన్న జీవులు లాంటివి కారణాలు కావచ్చు. శరీరం చుట్టూ రకరకాల బ్యాక్టీరియా, వైరస్లు ఉంటాయి. ఇవి మనల్ని ఎన్నో వ్యాధులను గురి చేస్తాయి. వాయు కాలుష్యం కారణంగా ఊపిరితిత్తులు, శ్వాస సంబంధిత సమస్యలు సైతం మనల్ని ఇబ్బంది పెడతాయి.

బయటి నుంచి వచ్చే ఈ అంటువ్యాధులు, కాలుష్య సమస్యలు, వ్యాధుల నుంచి శరీరాన్ని రక్షించడానికి రోగనిరోధక వ్యవస్థ లేదా రోగనిరోధక శక్తి ఉంటుంది. మీలో ఇది బలంగా ఉంటేనే మారుతున్న వాతావరణం, కాలుష్యం వల్ల వచ్చే వ్యాధుల నుంచి బయటపడతారు.రోగనిరోధక శక్తిని బలోపితం చేసే మార్గాల గురించి తెలుసుకుందాం.

శారీరక చురుకుదనం ముఖ్యం

మిమ్మల్ని ఆరోగ్యంగా ఉంచుకోడానికి మీ రోగనిరోధక శక్తిని పెంచుకోడానికి శరీరం చురుగ్గా ఉండటం తప్పనిసరి. శారీరక శ్రమతో ఎండార్ఫిన్ అనే హార్మోను విడుదలవుతుంది. ఇది ఒత్తిడిని దూరం చేసి మనసును సంతోషంగా ఉంచుతుంది.శారీరక సామర్థ్యాన్ని పెంచుతుంది. పని చేయకుండా, ఆకలిగా ఉన్నప్పుడు ఆహారం తీసుకుంటూ ఉంటే ఉదర సంబంధిత వ్యాధులకు గురవుతారు. శరీరం చురుగ్గా లేకపోతే అది మీ శరీర రోగనిరోధక శక్తిని ప్రభావితం చేస్తుంది. దీన్ని నివారించడానికి క్రమం తప్పకుండా వ్యాయామం చేయడం మీ దినచర్యలో భాగంగా చేసుకోండి.

వ్యాయామం చేస్తే మీ స్టామినా పెరుగుతుంది. జీర్ణశక్తి మెరుగు పడుతుంది. నియమిత వ్యాయామంతో ఊబకాయం, టైప్-2 మధుమేహం, గుండె జబ్బులు, వైరల్, బ్యాక్టీరియల్ ఇన్ఫెక్షన్లు లాంటి దీర్ఘకాల వ్యాధులు వచ్చే ప్రమాదం తగ్గుతుంది. వ్యాయామంలో యోగా, సైక్లింగ్తోపాటు వాకింగ్ను చేర్చండి. వయసు పైబడిన పెద్ద వాళ్లు వారానికి కనీసం రెండున్నర గంటలు మీడియం ఇంటెన్సిటీ వ్యాయామం చేయాలి.