గజల్ అలఘ్

"నచ్చిన రంగంలో కష్టపడితే గెలుపు తప్పక వస్తుంది" ఫౌండర్, సీఈఓ 'మామా ఎర్త్'

- - గరిమా పంకజ్

గజల్ అలఘ్ అనే పేరు ఎంతో ప్రత్యేకమైనది. ఆమె పిల్లల పెంపకంలో ఎదుర్కొన్న సమస్య లకు అందరికీ ఉపయోగపడేలా పరిష్కారాలు రూపొందించి ఏకంగా పెద్ద బిజినెస్నే నిలబెట్టారు. న్యాచురల్ బేబీ, బ్యూటీ ప్రోడక్టులు తయారుచేసే మామా ఎర్త్ కంపెనీని ప్రారంభించారు. ఈ సంస్థ తల్లులు, గర్భవతుల జీవితాన్ని మెరుగు పరచటంతో పాటు పిల్లలకు ఆరోగ్యం, సురక్షిత లోకంలోకి స్వాగతం పలుకుతుంది.

గజలికి బిజినెస్ టుడే, పార్చూన్ ఇండియా మోస్ట్ పవర్ఫుల్ ఉమెన్ 2023, ఈటీ 40 అండర్ 40, సీఎన్బీసీ ఉమెన్- ఫాస్ట్ ఫార్వర్డ్ ఉమెన్ అచీవర్ అవార్డు, బిజినెస్ టుడే మోస్ట్ పవర్ఫుల్ ఉమెన్ 2024, బిజినెస్ వరల్డ్ 40 అండర్ 40 పురస్కారాలు లభించాయి. కళలపై ఆసక్తి గల గజల్ అలఘ్ రూపకల్పనలు, ప్రదర్శనలు జాతీయ అంతర్జాతీయ స్థాయిలో ఏర్పాటయ్యాయి. ఆమె టాప్ 10 మహిళా కళాకారుల జాబితాలో చేరారు. ఒక కార్పొరేట్ ట్రైనర్, కళాకారిణి, తల్లిగా ఉంటూనే గజల్ నేడు ప్రసిద్ధ వ్యాపారవేత్తగా ఎదిగారు. ఆమె సోనీ చానల్లో వచ్చే షార్క్ ట్యాంక్ సీజన్ వన్ జడ్జీల్లో ఒకరుగా ఉన్నారు. గజల్ ఫిక్కీ స్టార్ట్ అప్ కమిటీ 2024 కు ఉపాధ్యక్షురాలు గానూ వ్యవహరిస్తున్నారు.