ఎండాకాలం వేడి నుంచి బయట పడటం ఎలా?

ఎక్కువ సేపు ఎండలో ఉంటే జరగబోయే నష్టం నుంచి తప్పించుకోవాలంటే, ఇది మీ కోసమే....

- - గరిమా పంకజ్

ఆరోగ్యంగా ఉండాలంటే మనకు సూర్యరశ్మి కావాల్సిందే. అంటే మన మాటల్లో చెప్పాలంటే మన శరీరానికి ఎండ తగలాల్సిందే. ఎండ లేదా సూర్యరశ్మి శరీరానికి శక్తిని అందిస్తుంది. అయితే ఎక్కువసేపు ఎండలో కూర్చోవడం వల్ల చర్మానికి అనేక రకాల నష్టం వాటిల్లుతుందని గుర్తుంచుకోండి.

వాస్తవానికి సూర్యుడు అతి నీలలోహిత కిరణాలను విడుదల చేస్తాడు. ఈ కిరణాలు శరీరానికి అనేక విధాలుగా మేలు చేస్తాయి. ఇవి శరీరంలో విటమిన్ 'డి'ని ఉత్పత్తి చేస్తాయి. 

ఎముకలను బలోపేతం చేస్తాయి, అయితే ఈ కిరణాలతో కొన్ని చర్మ సంబంధిత సమస్యలు వస్తాయి. యూవీ కిరణాలు ప్రధానంగా రెండు రకాలు. ఒకటి యూవీఏ, రెండవ రకం యూవీబి.

యూవీఏతోపాటు యూవీబీ కిరణాలు, రెండూ చర్మానికి హాని కలిగిస్తాయి.యూవీఏ కిరణాలు చర్మం లోతైన పొరలను ప్రభావితం చేస్తే యూవీబీ కిరణాలు చర్మం ఉపరితల పొరలను ప్రభావితం చేస్తాయి. చర్మంపై యూవీ సూర్య కిరణాలు పడటం వల్ల అనేక ప్రతికూల ప్రభావాలు కలుగుతాయి.

ఎక్కువసేపు సూర్యరశ్మి మన శరీరంపై సోకినప్పుడు చర్మం కమిలి పోయినట్లుగా దాని రంగు మారుతుంది. చర్మం కాలినట్లు కనిపిస్తుంది.నల్లగా మారడం ప్రారంభమవుతుంది. చర్మంపై ముదురు రంగు పాచెస్ కనిపించవచ్చు. ఇవి పోవాలంటే తప్పనిసరిగా చికిత్స చేయించుకోవాలి. ఎండ తగలడం వల్ల ముఖంలోని మెరుపు వెళ్లి పోతుంది. అంతేకాదు ముఖంపై మచ్చలు కనిపించవచ్చు.

వడదెబ్బ : సూర్యరశ్మి లేదా ఎక్కువసేపు ఎండలో తిరగటం వల్ల చర్మంపై బొబ్బలు వస్తాయి. ఎర్రటి మచ్చలు ఏర్పడతాయి. ఇవి దురదను పుట్టిస్తాయి. దీనినే సన్బర్న్ అంటారు. ఒక్కొక్క సారి వడదెబ్బ వల్ల శరీరంలో నీరు తక్కువవడంతో పాటు కళ్లు తిరగటం. స్పృహ కోల్పోవడం. విరోచనాలు కావడం, ప్రాణాలు పోవడం కూడా జరుగుతుంది.

వృద్ధాప్యం: చర్మం కింద ఉండే కొల్లాజెన్, ఎలాస్టిన్లు దెబ్బ తినడం లేదా తగ్గడం వల్ల చర్మం వృద్ధాప్యం వచ్చినట్లుగా కుంచించుకుపోతుంది. దీని కారణంగా గీతలు, ముడతలు కనిపించడం ప్రారంభిస్తాయి. యూవీ కిరణాలు కొల్లాజెన్, ఎలాస్టిన్ స్థాయిలను నేరుగా ప్రభావితం చేస్తాయి.