సమ్మర్ మేకప్కి పర్ఫెక్ట్ కాస్మెటిక్స్

వేసవి కాలంలో మీరు అందరికంటే అందంగా, భిన్నమైన లుక్ పొందాలనుకుంటే ఈ సమాచారం మీ కోసమే.

వే సవి కాలంలో చాలా అంశాలు మార్చవలసి ఉంటుంది. ఆహారపు అలవాట్లు, దుస్తులు, హెయిర్ : స్టయిల్ దగ్గరి నుంచి మేకప్ పద్ధతుల వరకు తప్పనిసరిగా మార్పులు అవసరం. వేసవిలో వడదెబ్బ, చెమట, జిడ్డు లాంటి సమస్యలు చర్మ సౌందర్యాన్ని చెడగొడతాయి. ఈ కాలంలో మేకప్ చేయించుకోవడమంటే ఒక సవాల్ గా ఉంటుంది.ఏదైనా పార్టీకి లేదా ముఖ్యమైన బిజినెస్ మీటింగ్ కి వెళ్లాల్సి వచ్చినప్పుడు సమస్య ఏర్పడుతుంది.మీరు అక్కడ అందంగా కనిపించడం చాలా ముఖ్యం. చెమట, జిడ్డు కారణంగా వేసవిలో మేకప్ను ఎక్కువసేపు నిలిచి ఉంచుకోవడం చాలా కష్టమవుతుంది. కాబట్టి ఈ కాలంలో మేకప్ చేయించుకునేటప్పుడు లేదా మీరు చేసుకుంటున్నప్పుడు కాస్మెటిక్స్న తెలివిగా ఎంచుకోవాలి.

క్లెన్సింగ్కి ఆయిల్ ఫ్రీ ఫేస్వాష్

వేసవి కాలంలో చెమట పట్టడం సాధారణం.ఇది మేకప్ చెడిపోవడానికీ కారణమవుతుంది. ఆయిల్ ఫ్రీ ఫేస్ వాష్ ఈ సమస్యను పరిష్కరించడంలో చాలా సహాయపడుతుంది. చర్మం నుంచి వెలువడే చెమట లేదా ఆయిల్ సమస్యను అధిగమించడానికి మీరు ముల్తానీ మట్టి, శనగపిండి, వేప, నిమ్మ, మైసూర్ పప్పు లాంటివి వారానికి ఒకటి లేదా రెండుసార్లు ఉపయోగించవచ్చు.

టోనింగ్ కోసం రోజ్ వాటర్

టోనర్ చర్మంలోని మురికిని తొలగించి, చర్మ రంధ్రాలను బిగుతుగా మారుస్తుంది. వేసవి కాలంలో రోజ్ వాటర్ను టోనర్ ఉపయోగించవచ్చు. ఇది చర్మంలోని అదనపు ఆయిల్ను సున్నితంగా తొలగిస్తుంది. చర్మాన్ని మాయిశ్చరైజ్ చేస్తుంది. చెమట, స్కిన్ డ్రైనెస్ సమస్యలకు ఇది ఉపయోగపడుతుంది.

30 ఎస్పీఎఫ్ సన్ స్క్రీన్

సూర్యుని హానికరమైన అతినీలలోహిత కిరణాలు చర్మంలో ఫైన్లైన్స్, అకాల ముడతలు, మచ్చలు, సన్ ట్యాన్, సన్బర్న్ కి కారణమవు తాయి. ఇలాంటి పరిస్థితుల్లో వేసవికాలంలో మీరు ఎండలో బయటకు వెళ్లాల్సి వస్తే ఇంటి నుంచి బయటకు వెళ్లే 15-20 నిమిషాల ముందు సన్ స్క్రీన్ రాసుకోండి. ఇవి ఎంచుకునేటప్పుడు ఒకటి గుర్తుంచుకోవాలి. మీ స్కిన్ ఆయిలీ అయితే జెల్ బేస్డ్ లేదా అక్వా బేస్డ్ లోషన్ తీసుకోండి. మీ స్కిన్ డ్రై అయితే మాయిశ్చరైజర్ ఆధారిత సన్ లోషన్ తీసుకోవాలి. కానీ అది 30 ఎస్పీఎఫ్ కంటే ఎక్కువగా ఉండాలని గుర్తుంచుకోండి.

వాటర్ ప్రూఫ్ ప్రైమర్ వాడకం