మాన్సూన్ ప్రెగ్నెన్సీ కేర్ చిట్కాలు

వర్షాకాలంలో గర్భిణీ స్త్రీలు, శిశువులు సురక్షితంగా ఉండాలంటే ఈ కింది విషయాలను తెలుసుకోవాలి.

- - సోమా ఘోష్

వర్షాకాలంలో వైరల్ ఇన్ఫెక్షన్ లేదా ఫ్లూ వంటి వ్యాధులు వ్యాప్తి పెరుగు తుంది. ఈ సీజన్లో ఆరోగ్యంగా ఉండాలంటే ప్రతి ఒక్కరూ జాగ్రత్తలు తీసుకోవాలి. ముఖ్యంగా గర్భిణీ స్త్రీలు వర్షాకాలంలో ప్రత్యేక శ్రద్ధ తీసుకోవాలి. గర్భవతులు గర్భధారణకు సంబంధించిన కొన్ని ముఖ్యమైన విషయాలపై ప్రత్యేక శ్రద్ధ తీసుకుని వర్షాకాలాన్ని మరింత ఆస్వాదించవచ్చు.

ఈ విషయమై పూణేలోని మదర్హిుడ్ హాస్పిటల్ సీనియర్ కన్సల్టెంట్ అబ్జట్రిషియన్ అండ్ గైనకాలజిస్ట్ డాక్టర్ షాలినీ విజయ్ మాట్లాడుతూ ఇతర సీజన్లతో పోలిస్తే వర్షా కాలంలో ఇన్ఫెక్షన్లు వచ్చే ప్రమాదం ఎక్కువగా ఉంటుందని చెప్పారు. ఈ సీజన్లో డెంగ్యూ, మలేరియా రెండూ వేగంగా వ్యాప్తి చెందుతాయి. అటువంటి పరిస్థితిలో, గర్భధారణ సమయంలో అనారోగ్యానికి గురి కావడం వల్ల ఇది కడుపులో ఉన్న పిల్లల ఆరోగ్యాన్ని దెబ్బతీస్తుంది. అందువల్ల వర్షా కాలంలో, గర్భిణీ స్త్రీలు లేదా బిడ్డకు జన్మనిచ్చిన వారు తమ ఆరోగ్యాన్ని, నవజాత శిశువుల లేదా పసి పిల్లల ఆరోగ్యాన్ని జాగ్రత్తగా చూసుకోవడం చాలా ముఖ్యం. వారు కొన్ని జాగ్రత్తలు పాటించాలి.

అంటు వ్యాధుల ప్రమాదం

• వర్షాకాలంలో అంటు వ్యాధుల వ్యాప్తిని నివా రించటానికి పరిశుభ్రతపై శ్రద్ధ పెట్టాలి.ఎందుకంటే మారిన కాలంతోపాటు వాతావరణంలో తేమ పెరుగుతుంది.అటువంటి పరిస్థితిలో కొద్ది మురికి సైతం చర్మ రోగాలను పెంచుతుంది.

• కొంచెం తడిగా అంటే తేమ ఉన్న బట్టలు ధరించకూడదు.