ప్రెగ్నెన్సీ సమయంలో స్కిన్ కేర్

గర్భావస్థలో ఆహారపు అలవాట్లలో మార్పులు చేయడంతోపాటు చర్మ సంరక్షణ ఉత్పత్తులను జాగ్రత్తగా ఎంపిక చేసుకోవాలి...

- - పారూల్ భట్నాగర్ •

ప్రెగ్నెన్సీకి ప్లాన్ చేస్తున్నప్పుడు గర్భం దాల్చారని తెలియగానే మీ ఆనందానికి అవధులు ఉండవు. ప్రపంచం మొత్తం మారిపోతుందేమోననిపిస్తుంది.

ఇదే విషయం చర్మ సంరక్షణ ఉత్పత్తులకూ వర్తిస్తుంది. మీ క్యాబినెట్ నిండా మేకప్ వస్తువులు ఉండవచ్చు. అవి మీ చర్మాన్ని అందంగా, మెరిసేలా చేయవచ్చు. కానీ మీరు గర్భవతి అయిన వెంటనే మీ చర్మంలో చాలా మార్పులు వస్తాయి. హార్మోన్ల సమతుల్యత దెబ్బ తింటుంది.చర్మంలో తేమ తగ్గి మరింత సెన్సిటివ్ మారుతుంది.

దాంతో మీరు ఇంతకుముందులాగా మీ రొటీన్ ను అనుసరించలేకపోతారు. చర్మ సంరక్షణ చేయలేరు. కాబట్టి మీరు ప్రెగ్నెన్సీలో, పుట్టబోయే బిడ్డ కోసం సరైన, సురక్షితమైన సౌందర్య ఉత్పత్తులను మీ చర్మ సంరక్షణ దినచర్యలో చేర్చాలి.

స్త్రీ గర్భం దాల్చిన సమయంలో రసాయనాలకు దూరంగా ఉండటం తప్పనిసరి అని ఎన్నో పరిశోధనల్లో రుజువైంది. కాస్మెటాలజిస్ట్ పూజతో ఈ రసాయనాల గురించి తెలుసుకుందాం.

రెటినాయిడ్స్

మంచి ఆరోగ్యానికి విటమిన్ 'ఎ' చాలా ముఖ్యమైనదని పరిగణిస్తారు. దీన్ని తీసుకున్నప్పుడు లేదా చర్మం గ్రహించినప్పుడు శరీరం దాన్ని రెటినాల్గా మారుస్తుంది. యాంటీ ఏజింగ్ చర్మ సంరక్షణ ఉత్పత్తుల్లో రెటినాయిడ్స్ ఉంటాయి. ఇవి యాక్నే, ముడతలతో పోరాడే సామర్థ్యం కలిగి ఉంటాయి. డెడ్ స్కిన్ను ఎక్స్ ఫోలియేట్ చేసి కొల్లాజెన్ వేగంగా ఏర్పడడానికి రెటినాయిడ్స్ సహాయపడతాయి.