டிஜிட்டல் பரிவர்த்தனை மோசடி... கவனம்!

உலகில் பண்டமாற்று முறையில் தொடங்கி, பணம் மூலம் தொடர்ந்து, இப்போது மின்னணு மூலம் கொடுக்கல் வாங்கல் நடந்து கொண்டிருக்கிறது

- பரிதிபாலன்

வங்கியில் பணத்தை போட்டால் வட்டி வரும் என்ற நிலை போய், வைப்பு குறைந்தால் வங்கிக்கு வட்டி கொடுக்கும் நிலை வந்ததும் இந்த மின்னணு பரிவர்த்தனைக்கு பிறகுதான்.

கையில், வீட்டில் வைத்திருந்தால் களவு கொடுத்துவிடுவோம் என்று கலங்கியதை விட, பாஸ்வேர்ட் பாசாகி பணம் பறிபோய்விடும் நிலை இப்போது உருவாகியிருக்கிறது. கையில் வைத்திருந்தாலாவது ஓரளவு போகும். மின்னணு பரிமாற்றத்தில் உள்ளதும் போச்சு நொள்ளைக் கண்ணா கதைதான்.

அண்மையில் வெளியான ஆர்பிஐ வருடாந்திர அறிக்கையில் இந்திய வங்கித்துறையில் 2022-23 ஆம் நிதியாண்டில் 13,530 மோசடிகள் நடந்துள்ளதாக பதிவாகியுள்ளது. இது கடந்த ஆண்டு எண்ணிக்கையை காட்டிலும் மிகவும் அதிகம் என்கிறார்கள்.