ஞாபக மறதிக்கு மருந்து உண்டா?

மருத்துவ முன்னேற்றம் மக்களின் ஆயுளை நீட்டித்துள்ளது. ஆனால் இதன் மறு பக்கத்தையும் கவனத்தில் கொள்ள வேண்டியது அவசியம். இந்தியாவில் 60 வயதைக் கடந்த முதியவர்களின் எண்ணிக்கை 9.8 கோடி என புள்ளி விவரம் தெரிவிக்கிறது.இதில் ஏறத்தாழ 50 சதவீதத்தினர் டிமென்ஷியா எனப்படும் ஞாபக மறதி நோயால் பாதிக்கப்பட்டுள்ளனர்.

- துங்கம்புலரி

டிமென்ஷியாவின் அல்ஷிமர் வகை அதிக பாதிப்பை ஏற்படுத்தக்கூடியது என மருத்துவ ஆராய்ச்சியாளர்கள் குறிப்பிடுகின்றனர்.

இந்த நோயால் பாதி க்கப்பட்டவர்களை அடையாளம் கண்டுகொள்வது கடினமானது அல்ல. அல்ஷிமர் நோயால் பாதிக்கப்பட்டவர்களுக்கு பேச்சில் தடுமாற்றம் காணப்படும். அன்றாட வேலைகளைக்கூட அவர்களால் சரியாக செய்ய முடியாது. பொருட்களை எங்கே வைத்தோம் என்ற நினைவு முற்றிலுமாக நீங்கிவிடும். வெளியே சென்றால் வீட்டுக்கு வரும் வழி தெரியாமல் அல்ஷிமர் நோயாளிகள் திண்டாடுவார்கள். சொன்ன விஷயத்தையே திரும்பத் திரும்பப் பேசுவார்கள். செய்வதையே திரும்பத் திரும்பச் செய்வார்கள்.