மேனியை தழுவும்.ரசாயனம்....கவனம்

'காயமே இது பொய்யடா, வெறும் காற்றடைத்த பையடா' என்றார் நமது சித்தர் பெருமான். வெறும் காற்று மட்டும் அடைபட்டால் பரவாயில்லை. தேவையற்ற கழிவுகள் அடைத்துக் கொண்டிருப்பதால் உடலே துன்பத்தின் உள்ளடக்கமாக இருக்கிறது.

- நெல்லைபரிதி

மனிதர்கள் பல்கிப்பெருகப்பெருக, அவர்கள் தேவை அதிகரித்தது... உணவு, உடை, வீடு, நுகர்பொருளை பெருக்கிக்கொண்டே போகவேண்டியிருந்தது. அதனால், இயற்கையான விளைச்சல் அவர்களுக்கு போதுமானதாக இல்லை. செயற்கையான உற்பத்தி தேவையானதாக இருந்தது.

எனவே, உயிரிப் பொருட்களோடு வேதிப்பொருட்களை கலந்து தனது உனவு, உடை, நுகர்பொருள் தேவைகளை தீர்த்துக்கொண்டான். அதுவே அவனுக்கு புதிய பிரச்சினையானது.

உட்கொள்ளும் உணவை விடுங்கள். வெளிப்பூசும் பூச்சுகள்,உடுத்தும் உடைகள், உணவை பாதுகாக்கும் கலங்கள் யாவும் நச்சுத்தன்மை வாய்ந்ததென்றால் எங்கு சென்று ஒளிப்பது?