பாமாயில் இறக்குமதியால் பாழாகும் பொருளாதாரம்!

எண்ணெய் ஆண்டு என்பது நவம்பர் மாதம் தொடங்கி அக்டோபர் மாதம் நிறைவடைகிறது.

2022 நவம்பர் முதல் 2023 அக்டோபர் வரையிலான காலத்தில் இந்தியாவின் தாவர எண்ணெய் இறக்குமதி 1.67 கோடி டன்னாக அதிகரித்துள்ளது. இது கடந்த எண்ணெய் ஆண்டோடு ஒப்பிடுகையில் 16 சதவீதம் அதிகமாகும்.

மேற்கு ஆப்பிரிக்காவை தாயகமாகக் கொண்ட எண்ணெய் பனையை தற்போது அதிகளவில் உற்பத்தி செய்வது இந்தோனேசியா. அங்கு ஆண்டுக்கு 45 மில்லியன் டன் பாமாயில் உற்பத்தி செய்யப்படும் நிலையில், அதற்கடுத்த இடத்தில் உள்ள மலேசியாவில் 19 மில்லியன் டன்னும், தாய்லாந்தில் 3 மில்லியன் டன்னும் உற்பத்தியாகிறது.

இந்தோனேசியா உற்பத்தி செய்யும் பாமாயிலில் 60 சதவீதத்தை வாங்குவது இந்தியாதான். பாமாயில் அதிகம் உற்பத்தி செய்யும் நாடுகள் பட்டியலில் 3 லட்சம் டன்களுடன் 18-வது இடத்தில் இந்தியா உள்ளது.