நேற்றோடு நின்றவன்...

"நிவி பேஸ்ட் எடுத்து வச்சுக்கலையா? பிரஷ் மட்டும்தான் இருக்கு" கட்டில் மீது இருந்த பயணப் பையின் பக்க வாட்டு ஜிப்பைத் திறந்துப் பார்த்தவாறு கேட்டார் நர்மதா.

- யுவராஜன்

"பேஸ்ட் வேணாம்மா ஒரு நாளைக்குத்தானே அங்கே இருக்கிறதையே யூஸ் பண்ணிக்கிறேன்" கட்டிலின் ஒரு பக்கமாக அமர்ந்து கையில் இருந்த பைலைப் புரட்டி சான்றிதழ்களைச் சரிபார்த்தவாறு சொன்னாள் நிவேதிதா.

''ஒருநாளோ அரைநாளோ... அந்த அம்பது கிராம் டியூபை வெச்சு க்கிறதால என்னடி ஆகிடப்போகுது. இதுக்காகப் புதுசா வாங்கி வந்தேனில்லே?” என்றார் நர்மதா.

"அம்மா ஓவரா பண்ணாதே உன் தங்கச்சி பையன் பல்லே விளக்கறதில்லையா? டூத்பேஸ்ட் வெச்சிருக்க மாட்டானா?''

மேஜை முனையில் அமர்ந்து கால்களைத் தொங்கவிட்டு ஆட்டியவாறு வாட்ஸ் அப் பார்த்துக்கொண்டிருந்த அருணிமா கிண்டலுடன் கேட்டாள்.

அநாவசியமா "நீவாயை மூடுடிபோற இடத்துலஎதுஒண்ணுக்கும் மத்தவங்களை எதிர்பார்த்துட்டு இருக்கக் கூடாது” என்ற நர்மதா அறையை விட்டு வெளியேறினார்.

"அப்போ ஒண்ணு செய் நாளைக்கு அங்கே போனதும் நைட்டு சாப்பிடறதுக்கு, அடுத்த நாள் நைட் திரும்பற வரைக்கும்னு மொத்தம் நாலு வேளைக்கும் புளிசாதம் கட்டிக் கொடுத்துடு.

என்னடி நிவி உனக்கு ஓகேதானே? இல்லே லெமன் சாதம், தக்காளி சாதம்னு வெரட்டியா வேணுமா?” என்று சிரித்தாள் அருணிமா.

நிவேதிதாதன் அருகே இருந்த பேனாவைத் தூக்கி அருணிமாவை நோக்கி வீசினாள். அவள் தலையை விலக்கிக்கொண்டாள்.