உயிர் உலா..

முன்கதை -பத்தாண்டுகளுக்கு முன்பு! மூன்று மாணவிகளும் கோவை பொறியியல் கல்லூரி மகளிர் விடுதி நோக்கி ஓட்டமும் நடையுமாக.. வேக வேகமாக நெருங்கினார்கள்.

- ஐஷ்வர்யன்

"என்னடி அபி.... நாம சினிமாவுக்கு போகும்போது வெளிச்சமும் கலகலப்புமா இருந்த ஹாஸ்டல்.. இப்ப இருட்டாதிகிலாகிடக்குது?"

"ஆமா இந்து.. நாம பார்த்த 'ஆயிரத்தில் ஒருவன்' செகண்ட் ஹாப்ல வந்த பார்த்திபன் ராஜ்ஜியம் மாதிரி.. வேற உலகமாபயமுறுத்துதே.."

"சீ பயந்தாங்கொள்ளி. ஏ... ஆலியா. அந்த படத்தோட ஹீரோ என் கார்த்தியை நினைச்சுப்பார்.. பயமெல்லாம் பறந்துபோய் கிளுகிளுப்பாகிடும்" - சொன்னதோடு நிற்கவில்லை இந்துஜா, ஆலியாவை கட்டிப்பிடித்து ஆடவும் செய்தாள்! 'காத்தாடி போல நெஞ்சு கூத்தாடுதே.

கண்ணாடி பொம்மை ரெண்டு சேர்ந்தாடுதே'

"சனியனே அவளை விடு.. எஞ்ஜினியரிங் முதல் வருஷம் வந்த 'பருத்தி வீரன்'ல தொடங்கின உன்னோட கார்த்திக் க்ரஷ்.. இப்போ கடைசி வருஷம்.. 'ஆயிரத்தில் ஒருவன்' பார்த்துட்டு வர்றப்போ முத்திப் போச்சுதோ?.. சரியான ரவுடி பொண்ணு "

அபி நீ ஏன் சொல்லமாட்டே? இந்த ரவுடி பொண்ணுதாம்மா ஜூனியர்ஸ்கிட்ட பல்லை இளிச்சி நாளைக்கு பொங்கல் ரிலீஸ் படத்தோட ஸ்பெஷல் ஷோவுக்கு டிக்கட் வாங்கி குடுத்துச்சு.

ஸ்க்ரீன்ல என் கார்த்தி வர்றப்போ நீங்களும் சேர்ந்துதானே கைதட்டி சில்லறையை கொட்டுனீங்க" "க்கும் அதனால நஷ்டம் எனக்குத்தான்.... சாயந்திரம் கன்னியாகுமரி போற ரயிலை கோட்டைவிட்டுட்டேனே... அல்லாவே இனி எப்படி ஊருக்கு போவேனோ?"- ஆலியா கவலையில் முனக அபிநயா ஆறுதல் சொன்னாள்.