புதைந்து கிடக்கும் சரித்திரம்!

ஓரிரு வாரங்களாக ஒரு நிகழ்வு குறித்த செய்தியைத் தொடர்ச்சியாக செய்தித்தாளில் வாசித்தேன். எங்கள் மாவட்டத்தில் உள்ள கடையம் என்ற ஊரில் பள்ளம் தோண்டும் பொழுது 2000 ஆண்டுகள் பழமையான முதுமக்கள் தாழிகளைக் கண்டுபிடித்து இருக்கிறார்கள். கடையம் என்பது மிகப் பழமையான ஊர். 

- டாக்டர் அகிலாண்ட பாரதி

மகாகவி பாரதியாரின் மனைவி செல்லம்மாளுக்கு அந்த ஊர் தான். பாரதியார் வந்து பல நாட்கள் அங்கு தங்கிச் சென்றிருக்கிறார்.

அங்கிருந்த போது தான் காளி பாடல்கள், பாஞ்சாலி சபதம், காணி நிலம் வேண்டும் போன்ற படைப்புகளை எழுதியுள்ளார். அந்த ஊரில் இந்தப் புதையல் கிடைத்திருக்கிறது.

இந்த தகவலை அந்த ஊரிலிருந்து திருநெல்வேலி பல்கலைக்கழகத்தில் தொல்லியல் துறையில் படித்துக் கொண்டிருக்கும் மாணவி தங்கள் துறைத் தலைவரிடம் தெரிவிக்க, அவர் தலைமையில் ஒரு குழு வந்து ஆய்வில் இறங்கியிருக்கிறது.