விரயமாகும் உணவுகள்.... தடுப்பது எப்படி?

இன்றை நவீன யுகத்தில் பசித்தவனுக்கு உணவு அளிப்பதை விட அதை வீணாக்குவதை சாதாரணமாக செய்வதுதான் வேதனை அளிக்கிறது. நல்ல உணவைச் சமைத்து அதைக் கொட்டுவது என்பது பல்வேறு நாடுகளுக்கும் பழகிப்போன விஷயமாகவே உள்ளது.

- எஸ்.ரவீந்திரன்.

சமீபத்தில் வெளியான ஒரு அறிக்கையில்... உலகில் சுமார் 70 கோடி மக்கள் உணவு கிடைக்காமல் பசித்த வயிற்றோடு தினமும் உறங்கச் செல்கின்றனர் என்கிற செய்தி யோசிக்க வைக்கிறது. இதில் சோகம் என்னவெனில் உணவின் மொத்த உற்பத்தியில் சுமார் 20% உணவு விரயமாகிறது என்கிறது ஐநாவின் ஆய்வறிக்கை.

விழாக்களில் உயர்தர உணவுக்கு ரூ.2500 வரை செலவு செய்கிறார்கள். திருமணம், பிறந்தநாள் இப்படி நடைபெறும் விழாக்களில் பெரும்பாலும் பெயரளவுக்கு மட்டுமே சாப்பிடுவதை பார்க்க முடிகிறது. பெரும்பாலும் விருந்துகளுக்கு பிரபலங்கள் மற்றும் முக்கியஸ்தர்கள் அழைக்கப்படுவதால் வெரைட்டிகளை அதிகம் எதிர்பார்க்க முடிகிறது. அதை எல்லோருமே முழுமையாக சாப்பிடுவதில்லை.

வீணாகும் உணவுகளில் பெரும்பாலானவை வீட்டிலிருந்தும் (61%), அதைத் தொடர்ந்து உணவு சேவை மற்றும் உணவகங்கள் மூலம் (26%) மற்றும் சில்லறை விற்பனையில் (13%) வருகிறது.