நாய் கடிக்கு காரணமாகும் நாய் பிஸினஸ்!

கடந்த சில மாதங்களாக சிறுவர்கள், முதியவர்கள் எனப் பலரையும் நாய்கள் கடிக்கும் சம்பவங்கள் அதிகரித்து வருவது அதிர்ச்சி அளிப்பதாக இருக்கிறது.

- எஸ்.ரவீந்திரன்

இந்த நிலையில் சமீபத்தில் சென்னை ஆயிரம் விளக்கு மாடல் பள்ளி பகுதியில் உள்ள மாநகராட்சி பூங்காவில் ஒரு பெண் மற்றும் அவரது 5 வயது மகள் இருந்தனர். அப்போது அதே பகுதியைச் சேர்ந்தவர் இரண்டு வளர்ப்பு நாயை அழைத்துக் கொண்டு பூங்காவிற்கு நடை பயிற்சிக்கு வந்துள்ளார்.

அப்போது யாரும் எதிர்பாராத விதமாக திடீரென விளையாடிக் கொண்டிருந்த சிறுமியை 2 வளர்ப்பு நாய்களும் கடித்து குதறி உள்ளது. நாய்கள் தாக்கியதில் தலையில் பலத்த காயமடைந்த சிறுமி ஆபத்தான நிலையில் மருத்துவமனையில் அனுமதிக்கப்பட்டு, ஆபரேசன் செய்யப்பட்டு உள்ளது.

இந்த சம்பவத்தில் ஏற்பட்டுள்ள முக்கிய பிரச்சினை என்னவெனில் சிறுமியைக் கடித்து குதறிய ராட்வைலர் நாய்கள் நம் நாட்டில் தடை செய்யப்பட்ட இனம் என்பது குறிப்பிடத்தக்கது.