காதல் யாத்திரை

ஈஸ்வரன் கோயிலை ஒட்டியிருந்த திருமண மண்டபத்தில் எல்லோரும் கூடியிருந்தார்கள்.

- ஆதலையூர் சூரியகுமார்

கோயிலில் திருமணம் செய்ய வேண்டிக் கொ ண்டிருப் பவர்களுக்காக அறக்கட்டளை சார்பில் கட்டப்பட்டிருந்த திருமண மண்டபம் அது. கோயிலும், மண்டபமும் தனியார் அறக்கட்டளை நிர்வாகத்தில் இருந்ததால் நல்ல பராமரிப்பில் இருந்தது.

ஒரே நேரத்தில் நூறு பேர் வரையில் அமரலாம். நாற்காலிகளை ஓரமாக அடுக்கி வைத்துவிட்டு எல்லோரும் தரையில் ஜமுக்காளம் விரித்து அமர்ந்திருந்தார்கள்.

எழுபது பேர், பத்து நாட்கள் ஏற்று திட்டமிடப்பட்டிருந்த வட இந்திய சுற்றுலா தொடங்கியது ஓர் முன்னிரவுப் பொழுதில் ஏற்கனவே சுற்றுலா விதி முறைகளை ஏஜெண்ட் விளக்கி இருந்தாலும் மறுபடியும் ஒரு முறை நினைவூட் டுவதற்காக டூரிஸ்ட் ஏஜெண்ட் மாதவன் மறுபடியும் பயணிகளைக் கூட்டியிருந்தார்.

வட இந்தியப் பயணம் மேற்கொள்ளும் பயணிகள் மற்றும் வழியனுப்ப வந்தவர்களால் நிரம்பி வழிந்தது திருமண மண்டபம். டிராலிபேக், சூட்கேஸ் சகிதம் பயணிகள் பத்து நாட்கள் கொண்டாட்டத்திற்கு தயாராக வந்திருந்தார்கள்.

நீங்க கழுத்தில் போட்டிருக்கிற அடையாள அட்டையை எப்போதும் கழட்டக் கூடாது. அதுல எங்களோட ரெண்டு காண்டக்ட் நம்பர் இருக்கு.

நீங்க எங்க வேணும்னாலும் தொடர்பு கொள்ளலாம். எங்க போனாலும் ரெண்டு பேர், மூணு பேரா போய்ட்டு வாங்க. தனியாய் போக வேணாம்.

இங்க வந்திருக்கற எழுபது பேர்ல வேத்து மனுஷாள் யாரும் கிடையாது. எல்லாரும் பெரும்பாலும் அறிமுகம் ஆனவங்கதான். ஒருத்தரையொருத்தர் நல்லாத் தெரிஞ்சவங்கதான்.

மகுடஞ்சாவடி, இளம்பிள்ளை, கொங்கணாபுரம் ஏரியாக்காரங்கதான் இருக்கீங்க.