வறுத்த பொரித்த உணவுகளால் நீரிழிவு அபாயம்!

வேக வைத்த உணவுகளுடன் ஒப்பிடும்போது வறுத்த, பொரித்த உணவுகள் ரத்தத்தில் சர்க்கரை அளவை அதிகரிக்கக்கூடும் என்று புதிய ஆய்வு ஒன்று மூலம் தெரியவந்ததுள்ளது.

- எஸ்.ரவீந்திரன்

ஆம்... உணவை அதிக வெப்பத்தில் சமைக்கும்போது, சர்க்கரை நோயை ஏற்படுத்தும் கூட்டுப் பொருள் உருவாகும் நிலை இருப்பதாக இந்திய உணவுகளைக் கொண்டு மேற்கொள்ளப்பட்ட ஆய்வின் முடிவுகள் தெரிவிக்கின்றன. நாம் சமைக்கும் உணவுகளில் அதிக வெப்பநிலையின் போது ஒருவகை கூட்டுப் பொருட்கள் உண்டாகும். அவை சர்க்கரை நோய், ரத்த அழுத்தம் மற்றும் கல்லீரல், சிறுநீரக பாதிப்புகளுக்கு வழி வகுக்கக்கூடும்.

பொதுவாக பொரித்தல் மற்றும் வறுத்தல் போன்ற அதிக வெப்பம் கொண்டு தயாரிக்கப்படும் உணவுகளிலும் உருவாகும் வேதி பொருட்கள் உடலில் இன்சுலின் எதிர்ப்பு, ஆக்ஸிஜனேற்ற அழுத்தம், தொற்று ஆகியவற்றுடன் தொடர்பு கொண்டு பாதிப்பை ஏற்படுத்துகிறது.இதய நோய்கள், வயது முதிர்ச்சி போன்றவை ஏற்பட இதுவே முக்கிய காரணி என தெரிய வந்துள்ளது.

இது குறித்து மருத்துவர்கள் கூறும் போது:ரத்தத்தில் உள்ள சர்க்கரையை உடலுக்குத் தேவையான சக்தியாக மாற்றுவது இன்சுலின்.