കണ്ടു പഠിക്കൂ; ഉമ്മയും ആർട്ടിസ്റ്റല്ലേ

മലയാളികൾക്ക് ഏറെ പ്രിയപ്പെട്ട താരദമ്പതികളായ കലാഭവൻ നവാസും രഹനയും 'ഇഴ' എന്ന സിനിമയിലൂടെ ഒന്നിച്ചപ്പോൾ...

- രമ്യ മുകുന്ദൻ

ഏറെ പ്രിയപ്പെട്ട രണ്ട് മുഖങ്ങളെ വീണ്ടും സ്ക്രീനിലെത്തുന്നതിന്റെ സന്തോഷം തങ്ങളെ സ്നേഹിച്ചവർ പങ്കുവയ്ക്കുമ്പോൾ കലാഭവൻ നവാസിന്റെയും പത്നി രഹ്നയുടെയും മനസ്സ് നിറയുന്നു. പാട്ടുവേദികളിലെയും ഷോകളിലെയും പ്രിയപ്പെട്ട താരമാണ് നവാസ്. കുടുംബത്തിന്റെയും മക്കളുടെയും കാര്യങ്ങൾ നോക്കി നടത്തുന്നതിലായിരുന്നു രഹനയുടെ സന്തോഷം.

ഇടയ്ക്കൊരു ദിവസം ഇളയമകൻ, വിജയ് സിനിമ കണ്ടുകഴിഞ്ഞശേഷം രഹ്നയെ ഒന്ന് കളിയാക്കി, കണ്ടുപഠിക്ക്... ഉമ്മയും ആർട്ടിസ്റ്റല്ലേ എന്നുപറഞ്ഞു. ഏറെ പ്രിയപ്പെട്ട ഒരിടത്തെ ഓർമ്മകൾ എപ്പോഴും മനസ്സിലുണ്ടായിരുന്നെങ്കിലും വീണ്ടും അഭിനയം എന്നൊരു ചിന്ത മനസ്സിലുണ്ടായിരുന്നില്ല.

ഇഴ സിനിമയുടെ സംവിധായകൻ സിറാജ് റാസ തേടിയെത്തിയത് നവാസിനെയായിരുന്നു. ആദ്യം അത്ര താൽപ്പര്യം കാണിച്ചില്ലെങ്കിലും ഒരു കൂട്ടം ചെറുപ്പക്കാരുടെ സ്നേഹ പൂർണ്ണമായ നിർബന്ധത്തോട് മുഖം തിരിക്കാൻ കഴിഞ്ഞില്ല. ഒരു ചെറിയ സംഭവമാണ് ഇഴയുടെ ത്രെഡ്. പക്ഷേ, ഈ കാലത്ത് പറയേണ്ട കഥ.

സിനിമയുടെ സ്ക്രിപ്റ്റ് കിട്ടിയപ്പോൾ നവാസ് രഹ്നയ്ക്ക് നൽകി. വായിച്ചുകഴിഞ്ഞപ്പോൾ ഗംഭീരകഥയാണെന്നായിരുന്നു രഹനയുടെ അഭിപ്രായം. ഇങ്ങനെ ഒരു കഥ കാണുകയോ, കേൾക്കുകയോ ചെയ്തിട്ടില്ല. അത്രയധികം കഥ രഹ്നയെ സ്പർശിച്ചു എന്നുതന്നെ പറയാം. പിന്നീട് നവാസിനെ കാണാനായി സംവിധായകനും മറ്റും വീട്ടിലേക്ക് വന്നപ്പോഴാണ് സിനിമയിലെ സുമയ്യ എന്ന കഥാപാത്രമായി രഹ്നയെ പരിഗണിച്ചാലോ എന്നൊരു ആലോചന വന്നത്. ഇങ്ങനെ ഒരു കോംബോ വന്നാൽ സിനിമക്കത് നല്ലതാകുമെന്നൊരു കണക്കുകൂട്ടൽ ഉണ്ടായതു കൊണ്ടാണ് സിറാജും ടീമും ആ വഴിക്ക് പരിശ്രമിച്ചത്. അങ്ങനെയാണ് ഇഴ സംഭവിക്കുന്നത്.

ബാക്കി വിശേഷങ്ങൾ ഇനി നവാസും രഹ്നയും പറയട്ടെ.

ആദ്യം ആലോചന, പിന്നെ തീരുമാനം