ദി ബ്രാൻഡ്-ഷെമീർ മുഹമ്മദ്

മലയാളികൾ മോഹൻലാലിന്റെ, മമ്മൂട്ടിയുടെ സിനിമ എന്നുപറഞ്ഞു പഠിച്ചതിൽ നിന്ന്, നില വിൽ സംവിധായകരുടെയും, അതിലെ ടെക്നീഷ്യൻസിന്റെയും പേരിൽ വിശ്വാസം അർപ്പിച്ചു സിനിമകൾ കാണാൻ തിരഞ്ഞെടുക്കുന്ന ഈ കാലത്ത്, എഡിറ്റിംഗ് മേഖലയിൽ ജനങ്ങൾ വിശ്വാസം അർപ്പിച്ച പുതിയ ബ്രാൻഡ് ഷെമീർ മുഹമ്മദ്, 'മഹിളാരത്ന'ത്തിനൊപ്പം അൽപ്പനേരം.

- രജനി കൃഷ്ണ

പഠനസമയത്ത് പ്രത്യേകിച്ച് ലക്ഷ്യങ്ങൾ ഒന്നുമില്ലാതെ കറങ്ങി നടന്നിരുന്ന ഉഴപ്പനായ ഒരു വിദ്യാർത്ഥി ആയിരുന്നു ഞാൻ. സിനിമ എന്നത് എന്റെ വിദൂരസ്വപ്നങ്ങളിൽ പോലും ഉണ്ടായിരുന്നില്ല. എഴുത്തുകാരി സാറ ജോസഫിന്റെ അനി യന്റെ മകൻ അനൂപ് ഡേവിഡ് ബാല്യം തൊട്ട് എന്റെ കൂട്ടുകാരൻ ആയിരുന്നു. അവനെ നോക്കി, അവന്റെ രീതി പിന്തുടരുക എന്നതായിരുന്നു എന്റെ പതിവ്. അങ്ങനെ ഡിഗ്രിക്കൊപ്പം അവൻ മൾട്ടിമീഡിയ പഠിക്കാൻ പോയപ്പോൾ, അതുകണ്ട് ഞാനും അതേ പഠനത്തിന് ജോയിൻ ചെയ്തു. പഠനം കഴിഞ്ഞു അവൻ അനിമേഷന്റെ മറ്റ് കോഴ്സുകളിലേക്ക് പോയി. ഞാൻ ആഗ്രഹിച്ചിടത്ത് അഡ്മിഷൻ കിട്ടാതെ ആയപ്പോൾ, തൃശൂർ ചേതനയിൽ എഡിറ്റിംഗിന് ചേർന്നു.

സിനിമയിലേക്കുള്ള തുടക്കം ആൽബങ്ങളിലൂടെ...

വീടിനടുത്തുള്ള ജയൻ എന്ന അസ്സോസിയേറ്റ് ഡയറക്ടറാണ് എന്നെ സിനിമയിലേക്ക് ആദ്യമായി കൊണ്ടുവന്നത്. സത്യത്തിൽ ഞാൻ മല യാളം പരിഭാഷ നടത്താനാണ് തമിഴ് സിനിമയിൽ എത്തുന്നത്. പിന്നീട് തമിഴ് സിനിമകളിൽ കിഷോർ എന്നൊരു എഡിറ്ററിനൊപ്പം സഹായിയായി ഒപ്പം കൂടുകയായിരുന്നു. ആദ്യമായി സിനിമയിൽ എഡിറ്റ് ചെയ്തത് ഒരു പാട്ടായിരുന്നു.

അക്കാലത്ത് നിരവധി ആൽബങ്ങളിൽ പ്രവർത്തിച്ച പരിചയം കൊണ്ട്, ആ ടാസ്ക് എനിക്ക് എളുപ്പം ആയിരുന്നു. എഡിറ്റ് ചെയ്ത ഗാനരംഗം കണ്ട് എല്ലാവരും പ്രശംസിച്ചപ്പോൾ, ഒരുപാട് സന്തോഷം തോന്നിയിരുന്നു.

ചെന്നൈ ജീവിതത്തിനിടയിലാണ് മലയാളത്തിൽ നിന്ന് ബി. ഉണ്ണികൃഷ്ണൻ സംവിധാനം ചെയ്ത "ഗ്രാൻഡ് മാസ്റ്റർ' എന്ന സിനിമയിൽ സ്പോട്ട് എഡിറ്ററായി അവസരം ലഭിക്കുന്നത്. അവിടെ നിന്നാണ് മലയാള സിനിമയിൽ സ്പോട്ട് എഡിറ്റിംഗ് എന്ന സാധ്യത മനസ്സിലാക്കുന്നത്.

ജവാൻ ഓഫ് വെള്ളിമല, ഐ ലവ് മി, കളിമണ്ണ്, മെമ്മറീസ്, നി. കൊ. ഞാ. ചാ, ബാല്യകാലസഖി, സലാം കാശ്മീർ, ചാർളി എന്നിവയാണ് സ്പോട്ട് എഡിറ്റ് ചെയ്ത മറ്റ് സിനിമകൾ. അവസാനമായി സ്പോട്ട് എഡിറ്റിംഗ് ചെയ്ത സിനിമ “എന്ന് നിന്റെ മൊയ്തീൻ' ആണ്. ചാർളിക്ക് വേണ്ടി സ്പോട്ട് ചെയ്യുമ്പോഴാണ് അതിന്റെ മുഴുവൻ എഡിറ്റും ചെയ്തുകൂടെ എന്ന ചോദ്യം എനിക്ക് നേരെ എത്തുന്നത്. ഭാഗ്യമെന്നോ അനുഗ്രഹം എന്നോ പറയട്ടെ, ആ ദൗത്യം ഏറ്റെടുത്തതോടെ കരിയറിന്റെ പുതിയ തലത്തിലേയ്ക്ക് ഞാൻ മാറുകയായിരുന്നു.

സിനിമയിലെ വളർച്ചയിൽ നന്ദി ഉമ്മയോടാണ്