மலைகள்-பள்ளத்தாக்குகள் சூழ்ந்த வாகமன்!

கோடையில் சுற்றுலாச் செல்ல ஊட்டி, கொடைக்கானல், ஏற்காடு என்ற வரிசையில் நம் அண்டை மாநிலமான கேரளாவிலும் கண்டு களிக்கச் சுற்றுலாத் தலங்கள் நிறையவே உள்ளன.

- ந.க.மங்கள முருகேசன்

மேற்குத் தொடர்ச்சி மலையில் அமைந்துள்ள வாகமன் என்ற இடம் சிறந்த சுற்றுலாத் தலமாகும். வானுயர்ந்த மலைகளும், ஆழ்ந்த பள்ளத்தாக்குகளும், புல்வெளிகளும், பார்க்கும் இடமெல்லாம் பச்சை வண்ணங்களாகவும் சினிமா படப்பிடிப்பு தலமாகவும் கோடையில் ஆயிரக்கணக்கான சுற்றுலாப் பயணிகள் குவியும் இடமாகவும் திகழ்கிறது. தமிழ் நாட்டிலுள்ளவர்கள் இந்த இடத்துக்குச் செல்லத் தேனி வழியாகவே செல்ல வேண்டும். 

வாகமன் என்பது கேரள மாநிலம் கோட்டயம் மாவட்டத்தில் இடுக்கி, கோட்டயம் மாவட்டங்களின் எல்லையில் உள்ளது. தேனி, குமுளி, தேக்கடி வழியாக வாகமன் செல்லலாம்.