பிருகன்னனை

இந்துமதிக்குத் திருமணம் நிச்சயமானதில் வாசுவுக்குப் பெருநிம்மதி. தன்னோடு படிக்கிற முத்துவைக் காதலிப்பதை வாசுவிடம் தான் இந்துமதி முதலில் சொன்னாள். வேறு சாதி என்பதால் அம்மா மறுத்து விடுவாளோ என்கிற பயம் அவளுக்கு இருந்திருக்க வேண்டும்.

- பட்டுக்கோட்டை ராஜா

அதனால் தான் அண்ணன் வாசுவிடம் சொல்லி, இவன் செய்தியை அம்மாவிடம் சொல்லிச் சம்மதம் பெற்று, எல்லாருமாய் புதுகைக்குச் சென்றார்கள். முத்துவின் பெற்றோரிடம்பேசினார்கள். அவர்களும் சம்மதித்து விட்டார்கள்.

என்றாலும் அதில் ஒரு சிக்கல் வந்தது! முத்துவின் அம்மா தாரிணி, வாசுவைத் தனியே அழைத்துச் சென்று, "தம்பி, இப்போ நான்சொல்ற சேதி உங்களுக்கும் எனக்கும் மட்டுமானது. வெளியே யாருக்கும் தெரியக் கூடாது. குறிப்பா என் பிள்ளை முத்துவுக்குத் தெரியக் கூடாது.

நிச்சயத்தன்னிக்கு துண்டா இருபது லட்சம் நீங்க என் வங்கிக் கணக்குல வரவு வச்சிடணும். பிள்ளக்குத் தெரியாமல் பணம்

கேட்கிறேன்னு நீங்க என்னைத் தப்பா நினைக்க கூடாது.. அந்தப் பணம் அடுத்து நடக்க இருக்கிற முத்துவோட தங்கையின் திருமணத்துக்காகத்தான். கல்யாணத்துக்கு அப்புறம் அவன் எப்படி மாறுவானோ? அதான் முன்கூட்டியே உங்க கிட்ட சொல்றேன். உங்க பக்கம் எவ்வளவோ பலவீனங்கள் இருந்தும் என் பிள்ளை என்கிட்டயே மறைச்சிட்டான். அது எனக்குத் தெரியும்ங்கிறதுக்கு ஒரே ஒரு வார்த்தை சொல்றேன். நீங்க புரிஞ்சுக்கு வீங்க.

"பிருகன்னளை!” என்று வினயமாகச் சிரித்தாள்.