പൊന്നു വിളയിക്കും പെണ്ണുങ്ങൾ

സ്ത്രീകൾ ഒരുമിച്ചു ചേരുമ്പോൾ വിരിയുന്ന കുഞ്ഞു വിസ്മയങ്ങൾ, ആനന്ദങ്ങൾ. പെൺ കൂട്ടായ്മകളുടെ രസങ്ങൾ പങ്കുവയ്ക്കുന്ന പംക്തി.

അങ്ങനെയങ്ങനെ ഇരുന്നപ്പോൾ പെൺകൂട്ടത്തിനു തോന്നി. ഒരുമിച്ചു കൃഷി ചെയ്താലോ?'

 "അതിനു പറമ്പെവിടെ?'

"നമ്മുടെ അയൽവാസിയുടെ വെറുതെ കിടക്കുന്ന കുറച്ചു സ്ഥലമുണ്ടല്ലോ. കൃഷി ചെയ്യാൻ ചോദിച്ചു നോക്കാം.

അങ്ങനെ കിട്ടിയ ഏഴര സെന്റിൽ അവർ ചിരിയും അധ്വാനവും കൊണ്ടു പൊന്നു വിളയിച്ചു.

“ഞങ്ങൾ പണിയെടുക്കുന്ന സമയത്തു പണിയായുധങ്ങളുടെ കലമ്പലുകളേക്കാൾ കൂടുതലുയർന്നു ചിരിമേളമായിരി കേൾക്കുകക്കും. ഉല്ലസിച്ചും പാട്ടു പാടിയുമൊക്കെയാണു പണിയെടുക്കുന്നത്. കുറച്ചു തളരുമ്പോഴേക്കും അധ്വാനം നിർത്തി വച്ചു കലാപ്രകടനങ്ങളവതരിപ്പിക്കും.'' കൂട്ടായ്മയിലെ സുനിത പ്രസാദ് കൃഷിയും സന്തോഷവും കൂട്ടിക്കെട്ടിയ വിശേഷങ്ങളിലേക്കു കടന്നു.