ആഹാരത്തിൽ തുടങ്ങാം ആദ്യപാഠങ്ങൾ

സൂക്ഷ്മവും അസൂക്ഷ്മവുമായ പല കാര്യങ്ങളിലൂടെ വേണം ലൈംഗികവിദ്യാഭ്യാസത്തിന്റെ ആദ്യപാഠങ്ങൾ കുട്ടിയിലേക്കു പകരാൻ

"ആഹാരം കഴിച്ചില്ലെങ്കിൽ ചീത്ത ചെക്കനാണ്', "തന്നതു മുഴുവൻ കഴിച്ചാലേ മിടുക്കിയാകൂ' തുടങ്ങിയ നിബന്ധനകൾ വയ്ക്കുന്നതു സാധാരണ കാണുന്ന ശീലമാണ്. ഇത്തരം ചെയ്തികളിലൂടെ കുട്ടിയുടെ ആത്മാഭിമാനം തന്നെയാണു മാതാപിതാക്കൾ ഇല്ലാതാക്കുന്നത്. ഇന്നയിന്ന കാര്യങ്ങൾ കൃത്യമായി ചെയ്താൽ മാത്രമേ വിലയുണ്ടാകൂ എന്നും അല്ലെങ്കിൽ താൻ മോശം വ്യക്തിയാണെന്നും കുട്ടി ധരിക്കും. പ്രിയപ്പെട്ടവരെ തൃപ്തിപ്പെടുത്താൻ ഇഷ്ടമില്ലാത്ത കാര്യങ്ങൾ പോലും ചെയ്തെന്നും വരാം.

ഇതിലുമൊക്കെ മോശം കാര്യമാണു കുട്ടിയെ മറ്റു കുട്ടികളുമായി താരതമ്യപ്പെടുത്തുന്നത്. കുട്ടിയിൽ അപകർഷതാ ബോധം ഉടലെടുക്കാൻ വരെ ഇത്തരം താരതമ്യങ്ങൾ വഴി വയ്ക്കും.