സ്വയം പഠിക്കാം കുട്ടിയെ പഠിപ്പിക്കാം

 'നോ' എന്ന് പറയാൻ പരുക്കൻ ഭാഷ തന്നെ വേണമെന്നില്ല. അതല്ലാതെ നോ പറയാം. അതിർവരമ്പുകൾ ശക്തമായി വയ്ക്കാം.

- സ്വാതി ജഗ്ദീഷ് സെക്ഷ്വാലിറ്റി എജ്യൂക്കേറ്റർ

ഭക്ഷണം കഴിക്കാൻ ഒരാൾ നിർബന്ധിക്കുമ്പോൾ നിങ്ങൾക്ക് സാമാന്യ ബോധമില്ലേ? വയറു നിറഞ്ഞന്നു പറഞ്ഞിട്ടും വീണ്ടും നിർബന്ധിക്കുന്നത് എന്തിനാണ്?' എന്നു മറുപടി പറയുന്നത് പരുക്കനാണ്. അതേസമയം ആരോഗ്യകരമായ അതിർവരമ്പുകൾ മനസ്സിലാക്കുന്നതോടെ പ്രതികരണവും വ്യത്യസ്തമാകും. അതിൽ മറ്റൊരാളുടെ അതിരുകൾക്കു കൂടി നമ്മൾ ബഹുമാനം നൽകുന്നുണ്ട്. എന്റെ വയറു നിറഞ്ഞു. ഇതിൽ കൂടുതൽ കഴിച്ചാൽ വയറുവേദന വരും. നിങ്ങൾക്കൊപ്പമുള്ള സമയം ആസ്വദിക്കാനാകില്ല.' എന്നാകും ആ പ്രതികരണം.

ഈ മറുപടി കിറുകൃത്യമാണ്. വളച്ചൊടിക്കലൊന്നുമില്ല, ആരെയും വേദനിപ്പിക്കുന്നില്ല. എന്നാൽ സ്വന്തം ശരീരത്തിന്റെ അതിർവരമ്പുകളെ വ്യക്തമായി സ്ഥാപിക്കുന്നുമുണ്ട്.