പെർഫെക്ട് പറാത്ത

രുചി നിറച്ചു വിളമ്പാൻ മൂന്നു തരം പറാത്ത

-   ബീന മാത്യു

പനീർ പറാത്ത

 1. പനീർ പൊടിച്ചത് രണ്ടു കപ്പ്
കശ്മീരി മുളകുപൊടി അര ചെറിയ സ്പൂൺ
ഗരംമസാലപ്പൊടി അര ചെറിയ സ്പൂൺ
ചാട്ട് മസാല ഒരു ചെറിയ സ്പൂൺ
ഉപ്പ് പാകത്തിന്
ഇഞ്ചി ഒരു ചെറിയ കഷണം പൊടിയായി അരിഞ്ഞത്
മല്ലിയില പൊടിയായി അരിഞ്ഞത്
2. ഗോതമ്പുപൊടി അരക്കിലോ
ഉപ്പ് പാകത്തിന്
എണ്ണ രണ്ടു ചെറിയ സ്പൂൺ
 വെള്ളം   പാകത്തിന്   
3. എണ്ണ പാകത്തിന്

പാകം ചെയ്യുന്ന വിധം

 ഒന്നാമത്തെ ചേരുവ ഒരു ബൗളിലാക്കി നന്നായി യോജിപ്പിച്ചു വയ്ക്കുക.

രണ്ടാമത്തെ ചേരുവ യോജിപ്പിച്ചു കുഴച്ചു മാവ് തയാറാക്കി ഉരുളകളാക്കി വയ്ക്കണം.

ഓരോ ഉരുളയും ചെറിയ വട്ടത്തിൽ പരത്തുക. അറ്റത്ത് നടുവിലുള്ളതിനെക്കാൾ കട്ടി കുറവായിരിക്കണം. ഓരോന്നിനും മുകളിൽ അല്പം എണ്ണ പുരട്ടി അൽപം പൊടി തൂവി വയ്ക്കണം.

അതിനു നടുവിൽ പനീർ മിശ്രിതം വച്ച് അതേ ചപ്പാത്തി കൊണ്ടു മൂടി ഗോതമ്പുപൊടിയിൽ ഉരുട്ടി അഞ്ച്-ആറ് ഇഞ്ചു വട്ടത്തിൽ പരത്തുക.