ഓള് മെലഡീ

ചിരിതൊട്ട പ്രിയദർശൻ സിനിമ കണ്ടതു പോലെ ഹാപ്പി ആകും കല്യാണിയോടു സംസാരിച്ചാൽ വിശേഷങ്ങൾ നേരിൽ കേട്ടോളൂ

- രൂപാ ദയാബ്ജി

ചെന്നെ നുങ്കമ്പക്കത്തെ വീട്ടിൽ “ഇടി കൊണ്ടു വിശ്രമത്തിലാണു കല്യാണി പ്രിയദർശൻ. നല്ല പവാർന്ന ഇടി' എന്നു തന്നെ പറയാം. കയ്യിലാകെ നീര്, ശരീരമാസകലം വേദന. പക്ഷേ, ചുണ്ടിലെ ചിരി തെല്ലും മായാതെ കല്യാണി സംസാരിച്ചു. “ജോഷി സാറിന്റെ പുതിയ ചിത്രമായ "അലക്സാണ്ടറി'ന്റെ ഷൂട്ടിങ്ങിനിടെ കിട്ടിയതാണ് ഇതൊക്കെ ആക്ഷൻ എനിക്കു പറ്റുന്ന പണിയല്ലെന്ന് ഇപ്പോഴാ മനസ്സിലായത്. വീട്ടിൽ വിശ്രമിക്കുകയാണു കുറച്ചു ദിവസമായി.

മലയാളത്തിന്റെ പ്രിയസംവിധായകൻ പ്രിയദർശന്റെയും എവർഗ്രീൻ നായിക ലിസിയുടെ മകൾക്കു സിനിമയും ജീവിതവും രണ്ടല്ല. ജനിച്ചതും വളർന്നതും വെള്ളിവെളിച്ചത്തിൽ കല്യാണിയുടെ കുസൃതിയും ചിരിയും മലയാളി ഏറ്റെടുത്തപ്പോൾ അവൾ നമ്മുടെ വീട്ടിലെ കുട്ടിയായി.

ചിരിയുടെ രസച്ചരടു പൊട്ടാത്ത പ്രിയദർശൻ ചിത്രം പോലെയാണ് അമ്മു എന്നു വിളിപ്പേരുള്ള കല്യാണിയും തല്ലുമാല'യിലെ പാത്തുവിനെ പാട്ടിൽ വിശേഷിപ്പിക്കുന്നതു പോലെ സംസാരിച്ചു തുടങ്ങിയാൽ ആരും പറഞ്ഞു പോകും, "ഓള് മെലഡീ... കണ്ണുകളിൽ കുസൃതി ഒളിപ്പിച്ചു കല്യാണി പുതിയ വിശേഷങ്ങൾ പറഞ്ഞു.

ആക്ഷൻ നായികയാണോ അടുത്തത് ?

"അലക്സാണ്ടറി'ലെ കഥാപാത്രത്തെ പറ്റി കൂടുതലൊന്നും പറയാനാകില്ല, പറഞ്ഞാൽ ജോഷിസർ എന്നെ കൊല്ലും. ജോജുവേട്ടനും ചെമ്പൻ ചേട്ടനും നൈലയുമൊക്കെയാണു ചിത്രത്തിൽ ഒപ്പം ഉള്ളത്. ഒരു കാര്യം മാത്രം പറയാം എന്നെ സംബന്ധിച്ചു വലിയ വെല്ലുവിളിയുള്ള കഥാപാത്രമാണിത്. അതിന്റെ ടെൻഷനും ആകാംക്ഷയുമൊന്നും മാറിയിട്ടില്ല.

നായികയായ ചിത്രങ്ങളെല്ലാം സൂപ്പർഹിറ്റായിട്ടും ടെൻഷനോ ?

യുഎസ്സിൽ നിന്ന് ആർക്കിടെക്ചർ പാസ്സായ ശേഷം ആർട് ഡയറക്ടർ സാബു സിറിളിന്റെ അസിസ്റ്റന്റ് ആയാണു സിനിമയിൽ എത്തിയത്. പിന്നീടാണു ക്യാമറയ്ക്കു മുന്നിലേക്കുള്ള പ്രമോഷൻ. ഓരോ സിനിമയും ഓരോ പാഠമാണ്. അവ വിജയിക്കുന്നതു ദൈവാനുഗ്രഹം, അല്ലാതൊന്നും പറയാനില്ല.

നടി എന്ന നിലയിൽ വളരാനുള്ള ശ്രമത്തിലാണ് ഇപ്പോൾ. ശേഷം മൈക്കിൾ ഫാത്തിമയാണു റിലീസാകാനുള്ള പുതിയ ചിത്രം. ഫുട്ബോൾ ഭ്രാന്തിയായ, സ്പോർട്സ് കമന്റേറ്റർ ആകാൻ ആഗ്രഹിക്കുന്ന പെൺകുട്ടിയാണ് അതിലെ കഥാപാത്രം. മലബാറിലും മലപ്പുറത്തുമൊക്കെയുള്ള പരിചയമുള്ള ചില പെൺകുട്ടികളെ അടുത്തുനിന്നു നിരീക്ഷിച്ചാണ് "ഫാത്തിമ'യിലെ പാത്തുവാകാൻ തയാറെടുത്തത്.