നരേന്റെ നല്ല നേരം

ഒന്നര പതിറ്റാണ്ടു ജീവിച്ച് ചെന്നൈയിൽ നിന്നു നരേൻ നാട്ടിലേക്കു മടങ്ങി വന്നു. കൊച്ചിയിലെ ആദ്യ ഓണം ഉണ്ണാൻ എട്ടു മാസമുള്ള ഓംകാറും

ശാന്തം എന്ന ഭാവം കണ്ടുപിടിച്ച മൂന്നു പേർ ഈ വീട്ടിലുണ്ടെന്നു തിരിച്ചറിയാൻ അധിക നേരം വേണ്ടി വന്നില്ല. കൊടുങ്കാറ്റ് അലറിയാലും കൂൾ ആയിരിക്കുന്ന അച്ഛനും മകളും നരേനും മകൾ തന്മയയും. പിന്നെ, ഓഷോ എന്ന നായ്ക്കുട്ടി.

ഫോട്ടോഷൂട്ടിനിടെ ലൈറ്റ് വയ്ക്കാൻ പോയ ആൾ ഓഷോയുടെ കാലിലൊന്നു ചവിട്ടി. ഒന്നും മിണ്ടാതെ ഒരു ഷോ'യും കാണിക്കാതെ ഓഷോ എഴുന്നേറ്റു. പിന്നെ കുറച്ചപ്പുറം മാറി താടി തറയിൽ മുട്ടിച്ചു ഗാഢമൗനം തുടർന്നു. മൂന്നു പേർക്കും ഒരേ ഭാവം എങ്ങനെ വന്നെന്നു ചോദിച്ചപ്പോൾ നരേൻ രഹസ്യമായി ഒരു കഥ പറഞ്ഞു.

ഒരാഴ്ച പ്രായമുള്ളപ്പോഴാണ് ഓഷോ വീട്ടിലെത്തുന്നത്. പ്രായം ഏഴു ദിവസമാണെങ്കിലും കുര പി.ജിക്കു പഠിക്കുന്ന മട്ട്. വാ അടയാതെ കുര

ഒരു ദിവസം അതു സംഭവിച്ചു. ഓഷോയുടെ കലപില കേട്ടു വിരൽ ചൂണ്ടി മഞ്ജു ഒരൊറ്റ അലർച്ച. “ഇനി നിന്റെ ശബ്ദം കേട്ടു പോകരുത്.'' അന്ന് പേടിച്ചതാണ് ഓഷോ. ഇപ്പോൾ കുരയ്ക്കാൻ തോന്നിയാൽ ഒന്നു കഷ്ടിച്ചു മൂളും. അത്രമാത്രം. ഞങ്ങൾക്കു  സംഭവിച്ചതും ഇതൊക്കെ തന്നെയാണോ എന്നു ചോദിക്കരുത് ഉത്തരം പറയില്ല. പൊട്ടിച്ചിരിക്കിടയിലേക്ക് മഞ്ജുവും ഞങ്ങൾ ഓംകാറും എത്തുന്നു.

മഞ്ജു: സത്യത്തിൽ നരേന്റെ ഭാവം ശാന്തം അല്ല. വിജയം ഉണ്ടായാലും പരാജയം സംഭവിച്ചാലും നരേൻ ഒരേ പോലെയാണു മനസ്സിലേക്ക് എടുക്കുന്നത്. ഏതു കാര്യവും നിസംഗതയോടെ കാണുന്ന ആ ഭാവത്തിന് ഇതുവരെ പേരിട്ടിട്ടില്ല.

ഈ വീട്ടിൽ ഏറ്റവും കൂടുതൽ ബഹളമുണ്ടാക്കുന്നതു ഞാനാണ്. അപ്പോൾ എന്നേക്കാളും ശബ്ദമുണ്ടാക്കുന്ന മറ്റൊരാൾ വേണോ? അതാണ് അന്ന് അലറിയത്. ഇപ്പോൾ സ്ഥിതി മാറി. എനിക്കു പുതിയൊരു കമ്പനി കിട്ടി, ഓംകാർ. ഞങ്ങളിലാരാണു കൂടുതൽ ബഹളം വയ്ക്കുന്നത് എന്ന കാര്യത്തിലാണു നരേന്റെയും തന്മയയുടെയും സംശയം.

തന്മയ ഒൻപതിൽ. ഓംകാറിന് എട്ടു മാസം. പുതിയ ആളുടെ വരവോടെ വീട് ആകെ മാറിയില്ലേ?

നരേൻ: തന്മയ എത്രത്തോളം നിശബ്ദയാണോ അത്രത്തോളം ആക്ടീവ് ആണ് ഓംകാർ. തന്മയ വളർന്നതോടെ ഞങ്ങളും മുതിർന്നു പോയിരുന്നു. കൗമാരക്കാരിയുടെ അച്ഛനും അമ്മയും എന്ന ഭാവമായിരുന്നു ഞങ്ങൾക്ക് പക്ഷേ, ഓംകാറിന്റെ ജനനത്തോടെ പിന്നെയും കുഞ്ഞുവാവയുടെ അച്ഛനും അമ്മയും ആയി. പെട്ടെന്നു പ്രായം കുറഞ്ഞതു പോലെ. രണ്ടുപേരും തമ്മിൽ ഇത്രയും പ്രായവ്യത്യാസം ഉള്ളത് ഒരർഥത്തിൽ നന്നായി. തന്മയ ഒരു ചേച്ചിയമ്മ ആയാണ് അവനെ നോക്കുന്നത്.