വീണ്ടും പുത്തനായി വാട്സാപ്

വാട് സാപ്പിലെ പുതുമകൾ മനസ്സിലാക്കാം. ഒപ്പം ഇഷ്ടം തോന്നുന്നവരെ ഫ്രണ്ട്സ് ആക്കാൻ സഹായിക്കുന്ന സാപ്പ് ആപ് വിശേഷവും

- രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

മെസേജിങ് പ്ലാറ്റ്ഫോമുകളിൽ ഏറ്റവും പ്രചാരമുള്ള വാട്സാപ് പുതുപുത്തൻ ഫീച്ചറുകൾ അവതരിപ്പിച്ചു വീണ്ടും കസ്റ്റമേഴ്സി കയ്യിലെടുക്കുകയാണ്. അവ എന്താണെന്ന് അറിയുന്നതിനൊപ്പം മനസ്സറിഞ്ഞതു പോലെ പ്രവർത്തിക്കുന്ന ഒരു ആപ്ലിക്കേഷനെയും ഇക്കുറി പരിചയപ്പെടാം.

വാട്സാപ് ട്രിക്സ്

 വാട്സാപ്പിന്റെ ഹോം സ്ക്രീനിൽ മുകളിലായി ക്യാമറ ഐക്കണിന് ഇടതുവശത്തായി ഇപ്പോൾ ഒരു ക്യുആർ കോഡ് കാണാം. അതു സെലക്ട് ചെയ്യുമ്പോൾ ഓപ്പണാകുന്ന ക്യാമറ ഉപയോഗിച്ചു യുപിഐ ആപ്പുകളുടെ ക്യുആർ കോഡ് സ്കാൻ ചെയ്യാം. ഇങ്ങനെ സ്കാൻ ചെയ്തു പേയ്മെന്റ് അയക്കാൻ സാധിക്കും.

ചാറ്റ് ചെയ്യുന്ന ഗ്രൂപ്പിലോ വ്യക്തികളുടെ ചാറ്റിലോ നമുക്കു വളരെ വേണ്ടപ്പെട്ട മെസേജ് പിൻ ചെയ്തു വയ്ക്കാറുണ്ടല്ലോ. ഒരു മെസേജ് ആണ് ഇത്തരത്തിൽ ഇതുവരെ പിൻ ചെയ്യാൻ ആകുമായിരുന്നത്. എന്നാൽ ഇനി ഇത്തരത്തിൽ മൂന്നു മെസ്സേജുകൾ പിൻ ചെയ്തു വയ്ക്കാനാകും.